तेज पोलीस टाइम्स : परवेज शेख
पुणे शहरातील वाढत्या गुन्हेगारी कृत्यांना आळा बसविण्याकरिता मा. अमितेश कुमार, पोलीस आयुक्त, पुणे शहर यांनी कडक पावले उचलली असून त्यासाठी पुणे शहरातील सराईत गुन्हेगारावर प्रभावी कारवाई करण्याचे आदेश पुणे शहरातील सर्व वरिष्ठ पोलीस निरीक्षक यांना दिलेले होते.त्याप्रमाणे सहकारनगर पोलीस स्टेशन पुणे चा गुन्हे अभिलेखावरील सराईत व अटट्ल गुन्हेगार नामे रोहन राजेंद्र रोंगे, वय २१ वर्षे, रा. गोविंदराव पाटीलनगर, चैतन्य बार शेजारी, आशिष प्लाझा पाठीमागे, धनकवडी, पुणे याचे विरुद्ध सहकारनगर पोलीस स्टेशन येथे सन २०२४ सालापासुन आजपर्यंत गुन्हेगारी कारवायांमध्ये सक्रिय आहे. त्याचेविरुध्द शरिराविरुध्दचे गंभीर स्वरुपाचे गुन्हे दाखल असुन त्यामध्ये घातक हत्यारे जवळ बाळगुन मनाई आदेशाचा भंग करुन दहशत निर्माण करणे, दुखापत करणे, घातक हत्यारे जवळ बाळगुन जबर दुखापत करणे, घातक हत्यारे जवळ बाळगुन तोडफोड करणे यासारखे गंभीर स्वरुपाच्या गुन्हयांचा समावेश आहे.सराईत गुंड रोहन राजेंद्र रोंगे, वय २१ वर्षे, रा. गोविंदराव पाटीलनगर, चैतन्य बार शेजारी, आशिष प्लाझा पाठीमागे, धनकवडी, पुणे याचेविरुध्द वेळोवेळी प्रतिबंधक कारवाई करुनही त्याचे वागणुकीत काहीएक फरक पडलेला नव्हता. तो अत्यंत कुर, खुनशी व भांडखोर असुन तो लोकांमध्ये काहीना काही कुरापती काढुन मारहाण करुन गंभीर स्वरुपाचे गुन्हे करीत आहे. तेथील सर्वसामान्य, शांतताप्रिय नागरीकांना विनाकारण त्रास देवुन आपला गुन्हेगारी हेतु साध्य करीत आहे. तसेच बेकायदेशीर घातक शस्त्र जवळ बाळगून लोंकामध्ये दहशत निर्माण केली आहे. त्याचे दहशतीमुळे व भितीपोटी त्याचेविरुध्द तक्रार देण्यास कोणीही पुढे येत नव्हते. त्याचे अशा कृत्यामुळे सर्वसामान्य नागरीकांचे मनात मिती निर्माण होवुन त्यांचे जिवीतास व मालमत्तेस धोका निर्माण झाला होता. म्हणुन श्री विठ्ठल पवार वरिष्ठ पोलीस निरीक्षक सहकारनगर पोलीस स्टेशन, पुणे शहर यांनी त्यास स्थानबदध करणे बाबतचा प्रस्ताव सर्व्हेलन्स पथकातील पोलीस अंमलदार विनायक एडके, गोरख ढगे व योगेश ढोले यांचेव्दारे तयार करुन मा. पोलीस आयुक्त सो, पुणे शहर यांना सादर केला होता. सदर प्रस्तावाचे अवलोकन करून मा. पोलीस आयुक्त सोो पुणे शहर यांनी जा.क्र/गुन्हे/पीसीबी/स्थानबद्ध/सहकारनगर/रोंगे/२७८/२०२६, दि.०१/०४/२०२६ रोजी यवतमाळ मध्यवर्ती कारागृह, यवतमाळ येथे स्थानबदध करण्याचे आदेश दिले.मा. पोलीस आयुक्त सो, पुणे शहर यांजकडुन स्थानबद्ध आरोपीचा यवतमाळ या ठिकाणीचे आदेश
दि ०१/०४/२०२६ रोजी झाले पासुन सदर आरोपी मिळुन येत नव्हता. सदर आरोपीचा शोध घेत असताना सहकारनगर पोलीस स्टेशनकडील पोलीस अंमलदार अमोल पवार व गोरख ढगे यांना सदरचा आरोपी रोहन रोंगे हा त्याचे राहते घरी त्याचे आईला भेटण्यास येणार असल्याची माहीती मिळाल्याने सदरची बातमी श्री. विठ्ठल पवार, वरिष्ठ पोलीस निरीक्षक साो., यांना कळविले त्यांनी सदर आरोपीस ताब्यात घेण्याचे तोंडी आदेश दिल्याने सदर आरोपीस ताब्यात घेवुन
दि.०८/०४/२०२६ रोजी स्थानबद्ध आदेशाची बजावणी करुन यवतमाळ मध्यवर्ती कारागृह, यवतमाळ येथे रवानगी करण्यात आली आहे.सराईत गुन्हेगारा कडून अशा प्रकारे कोणताही अनुचीत प्रकार घडु नये या अनुषंगाने पोलीसांकडुन समाजकंटक व अटट्ल गुन्हेगार यांचे हालचालीवर बारकाईने लक्ष ठेवण्यात आले असुन त्याचेविरुध्द अश्या प्रकारच्या कठोर कारवाई करण्याचे संकेत पोलीसांनी दिले आहेत.
सदरची कामगीरी मा. पोलीस आयुक्त पुणे शहर श्री. अमितेश कुमार साो, मा. पोलीस सह आयुक्त श्री. रंजनकुमार शर्मा, मा. अपर पोलीस आयुक्त सोो पश्चिम प्रादेशीक विभाग श्री. राजेश बनसोडे सो, पोलीस उपायुक्त परिमंडळ-२, श्री मिलींद मोहीते सोो, सहा. पोलीस आयुक्त, स्वारगेट विभाग धन्यकुमार घोडसे सो, वरिष्ठ पोलीस निरीक्षक विठ्ठल पवार यांचे मार्गदर्शनाखाली सहकारनगर पोलीस स्टेशन कडील सपोनि सागर पाटील, तपास पथकाचे पोलीस उपनिरीक्षक गणेश कर्चे, सद्दामहुसेन फकीर, सहा. पोउपनिरी बापु खुटवड, पोलीस अंमलदार अमोल पवार, विनायक एडके, गोरख ढगे, योगेश ढोले, सागर सुतकर, मारोती नलवाड यांनी केली आहे.