दहशतवादी प्रकरणे व एन्काऊंटर पार्श्वभूमी असलेल्या भावांचा मोबाईल दुकानदाराकडून आंबेडकरी महिला कार्यकर्तीचा विनयभंग; कोंढवा पोलीस ठाण्यात गुन्हा दाखल

दहशतवादी प्रकरणे व एन्काऊंटर पार्श्वभूमी असलेल्या भावांचा मोबाईल दुकानदाराकडून आंबेडकरी महिला कार्यकर्तीचा विनयभंग; कोंढवा पोलीस ठाण्यात गुन्हा दाखल पुणे : आंबेडकरी चळवळीतील एका लढवय्या महिलेचा विनयभंग केल्याप्रकरणी कोंढवा पोलीस स्टेशन येथे ए.के. मोबाईल शॉपचा मालक फय्याज युसूफ खान (रा. १५४९, गल्ली क्र. १५, भीमपुरा) याच्याविरोधात गुन्हा दाखल करण्यात आला आहे. दि. २१/०५/२०२६ रोजी भारतीय न्याय संहिता २०२३ अंतर्गत कलम ७५, ७८, ३५२ व ३५१(२) अन्वये सदर गुन्हा नोंद करण्यात आला आहे. तक्रारीनुसार, आरोपीने संबंधित महिलेला “काय रे, बहोत सोशल किडा है, मैं यहाँ का भाई हूँ” असे म्हणत अश्लील शिवीगाळ केली तसेच तिचा विनयभंग करून धमकी दिल्याचा आरोप करण्यात आला आहे. आरोपीचा सख्खा भाऊ फिरोज युसुफ खान उर्फ फिरोज खान (टोटला) हा गंभीर संघटित गुन्हेगारी कारवायांमध्ये सहभागी असल्याचे तसेच मुंबई बॉम्बस्फोट तपासाशी संबंधित आरोपी असल्याचे सांगितले जाते. त्याचा नंतर एन्काऊंटर स्पेशालिस्ट विजय साळसकर यांच्या पथकाकडून पोलिस एन्काऊंटरमध्ये मृत्यू झाला होता. विजय साळसकर हे स्वतः 26/11 मुंबई दहशतवादी हल्ल्यात ATS प्रमुख हेमंत करकरे, अशोक कामटे व इतर पोलीस अधिकाऱ्यांसह शहीद झाले होते. तसेच आरोपीचा दुसरा भाऊ अयाज युसुफ खान याला ATS कडून बंदी घातलेल्या SIMI व Indian Mujahideen या दहशतवादी संघटनांशी कथित संबंध असल्याच्या आरोपावरून अटक करण्यात आल्याचे सांगितले जाते. अहमदाबाद सिरीयल बॉम्बस्फोट प्रकरण तसेच जर्मन बेकरी बॉम्बस्फोट तपासामध्येही त्याची चौकशी करण्यात आली होती. तपासादरम्यान ग्रेनेड, शस्त्रे, दारुगोळा व इतर आक्षेपार्ह साहित्य जप्त करण्यात आल्याचे वृत्त आहे. तसेच मोबाईल फोन, सिम कार्ड व इतर साहित्य दहशतवादी कारवायांसाठी पुरविल्याचेही आरोप करण्यात आले होते. आरोपी फैयाज युसुफ खान हा सध्या पुण्यातील एम. जी. रोड, कॅम्प परिसरात मोबाईल दुकान चालवत असल्याचे सांगितले जाते. आरोपीच्या कुटुंबाची गंभीर गुन्हेगारी पार्श्वभूमी लक्षात घेता अनेक नागरिकांनी आरोपीकडून त्रास, धमकी व दहशतीचे वातावरण निर्माण केल्याच्या तक्रारी केल्याचे समोर आले आहे. पोलीस प्रशासनाने देखील आरोपीविरोधात कोणतीही तक्रार असल्यास नागरिकांनी कोणतीही भीती न बाळगता पुढे येऊन पोलिसांशी संपर्क साधावा, असे आवाहन केले असून कायद्यानुसार कठोर कारवाई करण्यात येणार असल्याचे सांगितले आहे. या घटनेमुळे परिसरात संतापाचे वातावरण निर्माण झाले असून आरोपीवर कठोर कारवाई करण्याची मागणी नागरिक व आंबेडकरी कार्यकर्त्यांकडून करण्यात येत आहे. अॅड. सूरज जाधव ९०२८४२३१७८