सूर्यग्रहणाच्या आदल्या दिवसापासूनच लागेल सूतक, यादरम्यान अशी करा दिवाळीची पूजा

अश्विन महिन्यातील कृष्ण पक्षातील अमावास्येला म्हणजेच २५ ऑक्टोबरला सूर्यग्रहण होणार आहे. या कारणास्तव, दिवाळी एक दिवस आधी २४ ऑक्टोबर रोजी साजरी केली जाईल. ज्योतिषांच्या मते, सूर्यग्रहण २५ ऑक्टोबर रोजी सकाळी ११ वाजून २८ मिनिटापासून सुरू होईल आणि ०६ वाजून ३३ मिनिटापर्यंत चालेल, परंतु देशात ते संध्याकाळी ०४ वाजून ४२ मिनिटे ते ०५ वाजून २२ मिनिटापर्यंत असेल. त्याचा सुतक कालावधी १२ तास आधी सुरू होईल. अशा स्थितीत अमावस्या पूजा २४ ऑक्टोबरच्या रात्रीपासून २५ ऑक्टोबरला पहाटे ०४ वाजून ४२ मिनिटापर्यंतच करता येईल.

२२ ऑक्टोबरपासून यम पंचक

यम पंचक २२ ऑक्टोबर रोजी दुपारी ०४:३२ ते २७ ऑक्टोबर रोजी दुपारी ०२:१२ पर्यंत असेल. धर्मग्रंथात यमपंचकाच्या काळात मथुरा-वृंदावनात दीपदान केले जाईल. अशा परिस्थितीत ज्यांना मथुरा-वृंदावनला जाणे अशक्य आहे, ते घरी पूजा करू शकतात.

धन्वंतरी पूजन

आश्विन कृष्ण त्रयोदशी तिथी २३ ऑक्टोबरला संध्याकाळी ६ वाजून ४ मिनिटा पर्यंत राहील. यामुळे धनतेरस २२ ऑक्टोबर संध्याकाळपासून ते दुसऱ्या दिवशी २३ ऑक्टोबर संध्याकाळपर्यंत साजरा केला जाऊ शकतो. धनतेरस तिथीच्या फेरबदलामुळे धनत्रयोदशीचे व्रत ठेवणाऱ्यांनी किंवा प्रदोष व्रत ठेवणाऱ्यांनी २३ ऑक्टोबरला उपवास ठेवावा असे सांगितले जात आहे. कारण २३ तारखेला संध्याकाळी त्रयोदशी तिथी व्याप्त राहील. शास्त्रानुसार याच दिवशी व्रत ठेवणे शुभ ठरेल.

Diwali 2022: सूर्यग्रहणाच्या छायेत राहील दिवाळीचा सण, विलक्षण योगायोग आणि सुतक काळ

दीपावली पूजा संध्याकाळी ०६:५७ ते रात्री ०८:५३ पर्यंत

ज्योतिषांनी सांगितले आहे की अमावस्या तिथी २४ ऑक्टोबर रोजी संध्याकाळी ०५:०३ ते २५ ऑक्टोबर ०४:३४ पर्यंत असेल. २५ ऑक्टोबरला अमावस्येचा सूर्योदय होईल, पण रात्री अमावस्या नसेल. या कारणास्तव अमावस्येच्या रात्री २४ ऑक्टोबर रोजी दिवाळी साजरी केली जाईल. या दिवशी लक्ष्मी-कुबेरची पूजा संध्याकाळी ०६:५७ ते ०८:५३ पर्यंत करता येते. अमावस्येच्या रात्री काली मातेचीही पूजा केली जाईल.

कुश आणि गंगाजल गर्भवती महिलांजवळ ठेवा

धार्मिक शास्त्रानुसार सुतक आणि ग्रहण काळात लहान मुले, वृद्ध आणि आजारी व्यक्तींना सोडल्यास इतरांनी अन्न ग्रहण करू नये. यादरम्यान मंदिरांचे दरवाजेही बंद राहतील, मात्र भाविक १०८ वेळा ‘ॐ नमो भगवते वासुदेवाय’ चा जप करू शकतात. गर्भवती महिलांनी ग्रहण काळात कुश आणि गंगाजल सोबत ठेवावे. शिजवलेल्या अन्नात स्वच्छ कुश घाला. याशिवाय ग्रहण काळात लाल वस्त्र, तांब्याचे भांडे, गूळ, मसूर, गहू, लाल फळे यांचे दान करावे.

Diwali 2022: वसुबारस, धनत्रयोदशी, नरक चतुर्दशी ते भाऊबीजेपर्यंत… तिथी योग मुहूर्त सर्वकाही जाणून घ्या

८ नोव्हेंबरला चंद्रग्रहण

ज्योतिषांनी सांगितले की, यावर्षी एकूण चार ग्रहणे आहेत. दोन सूर्यग्रहण आणि दोन चंद्रग्रहण. ३० एप्रिलचे सूर्यग्रहण आणि १६ मेचे चंद्रग्रहण देशात दिसले नाही. आता २५ ऑक्टोबरचे सूर्यग्रहण आणि ८ नोव्हेंबरचे चंद्रग्रहण दिसणार आहे. ८ नोव्हेंबर रोजी दुपारी ०२:३९ वाजता चंद्रग्रहण सुरू होईल. त्याचा मध्य काळ ०४:२९ वाजता असेल आणि मोक्ष कालावधी ०६:१९ वाजता असेल. हे चंद्रग्रहण भारतात फार कमी कालावधीसाठी प्रतोदय स्वरूपात दिसणार आहे. त्याचा सुतक कालावधी ग्रहणाच्या नऊ तास आधी पहाटे ०५:३९ पासून सुरू होईल.
Diwali 2022 :नरक चतुर्दशी-लक्ष्मी पूजन एकाच दिवशी, अभ्यंगस्नानासोबत ‘या’ गोष्टी केलात तर दिवाळीत व्हाल मालामाल