तूळ राशीत सूर्यग्रहण होत आहे
ज्योतिषांच्या मते, दिवाळीच्या दुसऱ्या दिवशी तूळ राशीत सूर्यग्रहण होणार आहे. सूर्यासोबत शुक्र, केतू आणि चंद्रही तूळ राशीत असतील. यासोबतच बुध, शनी, शुक्र आणि गुरू हे ग्रह आपापल्या राशीमध्ये उपस्थित राहतील. बुध कन्या राशीत, शनी मकर राशीत, शुक्र तूळ राशीत आणि गुरु मीन राशीत असेल.
Solar Eclipse Astro Remedies : सूर्यग्रहणाचा अशुभ प्रभाव आणि छाया, या काळात ‘हे’ काम ठरेल फलदायी
भारतातील सूर्यग्रहण वेळ
सूर्यग्रहण – २५ ऑक्टोबर २०२२
सूर्यग्रहण वेळ – ०४ वाजून २२ मिनिटे ते ०५ वाजून ४५ मिनिटे
सूर्यग्रहण कालावधी – १ तास २१ मिनिटे
२६ ऑक्टोबर रोजी होईल गोवर्धन पूजा
गोवर्धन पूजा दिवाळीच्या दुसऱ्या दिवशी केली जाते पण सूर्यग्रहणामुळे गोवर्धन पूजा २५ ऐवजी २६ ऑक्टोबरला करता येईल. सूर्यग्रहण नेहमी अमावस्येला होते. २५ ऑक्टोबर रोजी होणारे सूर्यग्रहण हे २०२२ सालातील शेवटचे सूर्यग्रहण आहे आणि भारतात दिसणारे पहिले सूर्यग्रहण असेल. वर्षातील पहिले सूर्यग्रहण ३० एप्रिल रोजी झाले परंतु ते भारतात दिसले नाही. सूर्यग्रहण ही खगोलीय घटना असली तरी धार्मिक दृष्टिकोनातूनही त्याला विशेष महत्त्व आहे.
गर्भवती महिलांनी अशी घ्यावी काळजी
शास्त्रानुसार सुतक काळात आणि ग्रहण काळात गर्भवती महिलांनी स्वतःची विशेष काळजी घ्यावी. गर्भवती महिलांनी ग्रहण काळात कुश आणि गंगाजल सोबत ठेवावे. तसेच शिजवलेल्या अन्नामध्ये स्वच्छ कुश घालावे. त्याच वेळी, लहान मुले, वृद्ध आणि रुग्ण वगळता कोणीही अन्न खाऊ नये. ग्रहण काळात मंदिरांचे दरवाजे बंद करून भाविकांनी मानसिक नामस्मरण करावे. ‘ऊॅं नमो भगवते वासुदेवाय’ या मंत्राचा सतत जप मनात ठेवावा. ग्रहण संपल्यानंतर तांब्याचे भांडे, अन्नधान्य, लाल वस्त्र, मसूर, लाल फळे इत्यादी वस्तू दान कराव्यात.
सूर्यग्रहणाच्या वेळी चार ग्रहांचा एकत्र संयोग; ‘या’ ४ राशींना होणार अनेक लाभ, दिवाळीत होईल यांच्यावर धनवर्षा
देशाच्या या भागांमध्ये दिसणार सूर्यग्रहण
मंगळवार २५ ऑक्टोबरला होणारे सूर्यग्रहण भारताच्या काही भागात दिसणार आहे. हे सूर्यग्रहण तामिळनाडू, आंध्र प्रदेश, कर्नाटक, ओडिशा, बंगाल, मुंबई, बिहार, झारखंड आणि छत्तीसगडमध्ये दिसणार आहे. त्याचबरोबर आसाम, नागालँड, मणिपूर, अरुणाचल प्रदेशमध्ये सूर्यग्रहण दिसणार नाही.
शास्त्रज्ञांच्या मते, पृथ्वी चंद्रासह सर्व ग्रह सूर्याभोवती फिरतात, जेव्हा सूर्य, चंद्र आणि पृथ्वी एका सरळ रेषेत येतात तेव्हा सूर्यग्रहण होते आणि ही एक महत्त्वाची खगोलीय घटना आहे. या सूर्यग्रहणानंतर २०३० मध्ये सूर्यग्रहण होईल, जे केवळ ६ टक्के क्षेत्रातच दिसेल. संपूर्ण सूर्यग्रहण पाहण्यासाठी देशवासीयांना २०३४ पर्यंत वाट पाहावी लागणार आहे.
सनग्लासेस लावून सूर्यग्रहण पाहू नका
तज्ज्ञांचे म्हणणे आहे की सूर्यग्रहण थेट डोळ्यांनी, सामान्य फिल्टर आणि सनग्लासेसने पाहू नका. पाण्यात आणि रंगीत पाण्यात त्याची सावली पाहण्याचा प्रयत्न देखील करू नका. सूर्यग्रहण फक्त प्रमाणित सौर फिल्टरनेच पाहा. भिंतीवर पिनहोल कॅमेरा बनवून सूर्याची प्रतिमा सुरक्षितपणे पाहता येऊ शकते. कागदाने लहान आरसा झाकून त्यात छिद्र करा. छिद्राची रुंदी १ ते २ सेमी असावी. त्याच्या मदतीने भिंतीवर सूर्याचे प्रतिबिंब पाहता येईल.
Solar Eclipse 2022 : सूर्यग्रहणावेळी होणार ४ ग्रहांचा संयोग, ‘या’ ४ राशीच्या लोकांनी जरा सांभाळूनच