एक्सप्रेसच्या एसी डब्यात माथेफिरुचा ॲसिड हल्ला, प्रवासी भेदरले, पोलिसही जखमी!

मिळालेल्या माहितीनुसार, मुंबईहून दरभंगाकडे जाणाऱ्या पवन एक्सप्रेसच्या एसी डब्यात एक माथेफिरू धुमाकूळ घालून प्रवाशांवर हल्ला करत असल्याचा आरपीएफला समजलं. आरपीएफ जवानांसह पोलिसांनी प्लॅटफार्म क्र.३कडे धाव घेतली. रेल्वे येताच या सर्वांनी एसी डब्याकडे धाव घेतली आरपीएफ आल्याचे पाहून या माथेफिरूने स्वतःला शौचालयात बंद करून घेतले. आरपीएफ अधिकाऱ्यांनी त्याची समजूत काढण्याचा प्रयत्न करत त्याला बाहेर येण्याचे सांगितले. मात्र, त्याने बाहेर येण्यास नकार दिल्यानंतर अखेर शौचालयाच्या दाराची कडी तोडून त्याला बाहेर काढलं.

क्रिकेट बेटिंगमध्ये हरलेले पैसे परत दिले नाही, बांधकाम व्यावसायिकाचा बेदम मारहाण करून खून
त्यानंतर माथेफिरूने पोलिसांच्या अंगावर देखील ॲसिड फेकले त्यामुळे एकच खळबळ उडाली. अखेर धाडस करून आरपीएफ जवानांनी या माथेफिरूला ताब्यात घेतले. या ॲसिड हल्ल्यात धर्मेंद्र यादव, विनायक आठवले हे दोन आरपीएफ जवान आणि २ प्रवासी किरकोळ जखमी झाले आहेत. पकडण्यात आलेल्या माथेफिरूचे नाव धनेशवर यादव असून तो भागलपूरचा असून त्याला रेल्वे पोलिसांच्या हवाली करण्यात आले आहे. माथेफिरुने हे कृत्य का केलं? याचा रेल्वे पोलीस निरीक्षक जोगदंड तपास करत आहेत.