Pune Crime News Today : शिक्षणांचं माहेरघर असणारं पुणे आता गुन्ह्यांचं माहेरघर झाल्याचं चित्र आहे. इथे वारंवार गुन्ह्यांच्या धक्कादायक घटना समोर येत असताना आता पुन्हा एकदा भयंकर प्रकार समोर आला आहे. पुण्यातील माजी सरपंचाने अल्पवयीन मुलीवर बलात्कार केल्याने संपूर्ण परिसरात खळबळ उडाली आहे. तर पोलीस या घटनेचा तपास करत असल्याची माहिती आहे.
या प्रकरणी भरती विद्यापीठ पोलीस ठाण्यात पोस्को अंतर्गत गुन्हा दाखल करण्यात आला आहे आणि या प्रकरणी माजी सरपंच संतोष नाझिरकर (वय ४० रा. पुरंदर तालुका) या आरोपीला अटक केलं आहे. पोलिसांनी दिलेल्या माहितीनुसार, संतोष नाझिरकर पीडित अल्पवयीन तरुणी व्हॉट्सॲपच्या माध्यमातून ओळख झाली होती.
चॅटिंग करत दोघांमध्ये चांगलीच ओळख झाली. नाझिरकर याने बुधवारी बाहेर जेवायला जाऊ असं सांगत त्याने पीडित मुलीला कात्रज इथे असलेल्या एका लॉजवर नेले आणि तिच्यावर बलात्कार केला. पीडित मुलीने घटना घडण्यापूर्वी बाथरूममध्ये जाऊन आईला फोन करून लोकेशन पाठवले. आईने तात्काळ पोलिसांना याची माहिती दिली आणि पोलिसांनी थेट लॉजवर धाड टाकली. यावेळी संतोष नाझीरकर याला बलात्कार करताना पोलिसांनी रंगेहाथ पकडले. याप्रकरणी भारतीय विद्यापीठ पोलीस ठाण्यात बलात्काराचे तसेच पोक्सो अंतर्गत गुन्हा दाखल करण्यात आला आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.