Mumbai Crime News: किरकोळ कारणावरून झालेल्या वादातून दहावीत शिकणाऱ्या विद्यार्थ्याने त्याच्याच शाळेत शिकणाऱ्या दुसऱ्या विद्यार्थ्यावर चाकूने हल्ला केल्याची घटना कांदिवली परिसरात घडली.
कांदिवली पश्चिम येथील शाळेत दोन्ही विद्यार्थी दहावी इयत्तेत मात्र वेगवेगळ्या तुकड्यांमध्ये शिकतात. काही दिवसांपूर्वी दोघांमध्ये क्षुल्लक कारणावरून वाद झाला होता. यामुळे दोघांमध्ये वारंवार खटके उडत होते. याच रागातून एका विद्यार्थ्याने दुसऱ्यावर शाळेजवळच चाकूने हल्ला केला. या हल्ल्यात जखमी झालेल्या विद्यार्थ्याच्या हातावर डॉक्टरांनी १३ ते १४ टाक्यांची शस्त्रक्रिया केली.
२६ नोव्हेंबरच्या या घटनेचा व्हिडीओ व्हायरल झाल्यानंतर कांदिवली पोलिसांनी या घटनेची दखल घेत गुन्हा दाखल केला. घातक शस्त्राने जीवघेणा हल्ला केल्याच्या कलमांतर्गत गुन्हा दाखल करण्यात आला असून मुलगा अल्पवयीन असल्याने कायद्यातील तरतुदीनुसार त्याच्यावर कारवाई करणार असल्याचे पोलिसांनी म्हटले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.