भिसे हे नुकतेच मंत्रालयातील शासकीय पदावरुन निवृत्त झाले होते. ते अत्यंत चैतन्यपूर्ण आयुष्य जगत आले होते. त्यांनी अनेक वेळा मॅरेथॉन स्पर्धांमध्ये धावण्याचा आनंद घेतला आहे. धावता धावता कोसळल्यानंतर त्यांना नजीकच्या सैफी रुग्णालयात नेण्यात आले, परंतु रुग्णालयात पोहोचण्यापूर्वीच त्यांना मृत घोषित करण्यात आले.
पोलिसांच्या म्हणण्यानुसार हृदयविकाराचा झटका हे भिसेंच्या मृत्यूचे प्राथमिक कारण आहे. त्यांना रक्तदाबाचा त्रास असल्याचे कुटुंबीयांनी पोलिसांना सांगितले. मृतदेह त्यांच्या कुटुंबीयांच्या ताब्यात देण्यापूर्वी शवविच्छेदनासाठी जीटी रुग्णालयात पाठवण्यात आले. या प्रकरणी अकस्मात मृत्यूची नोंद करण्यात आली असून पुढील तपास सुरू आहे.
दरम्यान, गेल्या काही दिवसात हृदयविकाराच्या धक्क्यामुळे अचानक प्राण गमवावे लागलेल्या तरुणांच्या संख्येत वाढ होताना दिसत आहे. २६ वर्षीय युवकाचा हृदय विकाराच्या धक्क्याने मृत्यू झाल्याची ह्रदयद्रावक घटना बीड जिल्ह्यातील अंबाजोगाई शहरात काही दिवसांपूर्वी समोर आली होती. ऐन लग्नाच्या तोंडावर त्याचे अंत्यविधी करण्याची दुर्दैवी वेळ नातेवाईकांवर आली होती.
हेही वाचा : महाराष्ट्रातील मंत्र्यांचा बेळगाव दौरा स्थगित, पण गनिमी काव्याच्या भीतीने कर्नाटक बॉर्डरवर पोलिसांची फिल्डिंग
दुसरीकडे, उत्तर प्रदेशातील मेरठमध्ये एका घटनेने सर्वांनाच आश्चर्याचा धक्का बसला होता. रात्रीच्या वेळी गारठ्यात मित्रांसोबत फिरायला गेलेल्या एका तरुणाचा शिंक आल्यानंतर काही सेकंदातच मृत्यू झाला.
बुलढाण्यात कार चालवताना छातीत कळ आल्यानंतर गुरुजींनी नातेवाईकांना फोनाफोनी केली, पण मदत मिळेपर्यंत उशीर झाला होता. तर लग्नात नाचताना चक्कर आल्यानंतर एका व्यक्तीचा मृत्यू झाल्याचं समोर आलं होतं.
हेही वाचा : कोकणात ‘खट्ट’ झालं, तरी मला मुंबईत ‘धडाम’ आवाज येईल, राज ठाकरेंनी खडसावलं