नंदुरबार जिल्ह्यातील अक्कलकुवा शहराजवळ असलेल्या वरखेडी नदीकाठी एक नवजात बालक बेवारस स्थितीत आढळून आलं होतं. काल संध्याकाळी साडेसहाच्या सुमारास काही नागरिकांना बाभळीच्या झुडूपामध्ये हे नवजात बालक काही स्थानिकांना दिसलं होतं. परिसरातील एका महिलेने प्लॅस्टिकच्या पिशवीतून त्या बाळाला बाहेर काढत मायेची ऊब दिली.
हेही वाचा – पंढरपुरात भीषण अपघात: ट्रॅक्टर उजनी कालव्यात कोसळला; ३ महिलांसह २ चिमुकल्यांचा जागीच मृत्यू
त्यानंतर अक्कलकुवा शहरातील काही सामाजिक कार्यकर्त्यांनी त्या बाळाला तात्काळ अक्कलकुवा पोलिसांना फोन करून बोलावलं. महिला पोलिसांनी एका कापडामध्ये गुंडाळलेल्या सुमारे आठ महिन्याच्या बाळाला उपचारासाठी नंदुरबार जिल्ह्यातील अक्कलकुवा ग्रामीण रुग्णालयात दाखल केलं. वैद्यकीय अधिकाऱ्यांनी बाळाची तपासणी करून प्रकृती ठीक असल्याचं सांगितलं आहे. रुग्णालयात देखील महिला कर्मचाऱ्यांनी या बाळाला जवळ घेत उपचार सुरू केलं. हे बाळ स्री जातीचं असून सव्वा किलो वजनाचं आहे. बाळ सुखरूप असून त्याच्यावर प्राथमिक उपचार रुग्णालयात करण्यात आलं आहेत. पुढील उपचारासाठी नंदुरबार जिल्हा रुग्णालयात पाठवण्यात आलं आहे.
हेही वाचा – सातपुड्याच्या पायथ्याला ड्रॅगनफ्रुट शेतीचा प्रयोग, नंदुरबारच्या शेतकऱ्याची १५ लाखांची कमाई
या बाळाची प्रसुती नेमकी कुठे झाली यासंदर्भात अक्कलकुवा पोलीस तपास करत आहेत. अशा गोंडस नवजात बालकाला बेवारस स्थितीत सोडल्याने पाहणाऱ्या अनेकांनी हळहळ व्यक्त केली आहे.
हेही वाचा – समृद्धी हायवेवर पहिल्या अपघतात मर्सिडिजचा चुराडा, महामार्ग सुरू झाल्याच्या तिसऱ्याच दिवशी नागपूरजवळ दुर्घटना
बाबळाच्या झुडपांमध्ये बाळाला टाकून आई कुठे गेली असा संतापजनक सवाल सामान्यांकडून उपस्थित केला जात आहे. या बेवारस स्थितीत असलेल्या बाळाला तीन महिलांनी मायेची उब दिली. या गोंडस बालकाला पाहून साऱ्यांनाच मायेचा पाझर फुटला.