मुंबई : महापुरुषांसंदर्भात सातत्यानं होणाऱ्या अपमानास्पद वक्तव्यांविरोधात पुण्यानंतर आता मुंबईतील वरळीतही बंदची हाक देण्यात आली आहे. छत्रपती शिवाजी महाराज, डॉ. बाबासाहेब आंबेडकर यांच्यासारख्या महापुरूषांबद्दल केलेल्या अपमानास्पद वक्तव्यांविरोधात आज मुंबईतील वरळी परिसरात बंद पाळला जाणार आहे. वरळीतील आंबेडकरवादी आणि इतर संघटनांनी बंद पुकारला आहे. हा एकदिवसीय बंद असून सकाळी ७ ते सायंकाळी ६ या वेळेत केला जाणार आहे. दरम्यान, या बंदच्या पार्श्वभूमीवर वरळीकरांकडून बंदचे पोस्टर्सही सोशल मीडियावर व्हायरल केले जात असल्याची माहिती मिळत आहे.

मुंबईतील वरळी परिसरात आंबेडकरवादी आणि बहूजन महापुरुषांना मानणाऱ्या संघटनांसह छोटे पक्ष आणि वरळीकर जनता यांच्या वतीने आज वरळी बंद पाळण्यात येणार आहे. छत्रपती शिवाजी महाराज, शाहू महाराज आणि बाबासाहेब आंबेडर यांचा अपमान करणाऱ्या शिंदे फडणवीस सरकार विरोधात आज बंद करण्यात येणार आहे. हा एक दिवसीय बंद सकाळी ७ ते सायंकाळी ६ या वेळेत करण्यात येणार आहे. महाविकास आघाडीकडून १७ तारखेला आंदोलन केलं जाणार आहे. त्या अगोदर वरळीत हा बंद असणार आहे.
मुलगी कोणाला न सांगता घरातून गेली; २ दिवसांनंतर घरी येताच बाप नको ते करून बसला!