Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉम | Updated: 20 Dec 2022, 12:03 pm
Accident News : पुणे – बंगळूरू महामार्गावर अनुयायी असलेल्या नवनीत्यानंद (मोडक महाराज) यांचे अपघातात निधन झाले आहे. ते सदगुरु श्री. स्वामी समर्थ ट्रस्टचे संस्थापक व अध्यक्ष होते. ड्रायव्हरला डुलकी आल्याने कार थेट महामार्गाच्या दुभाजकावर जाऊन आदळली.
हायलाइट्स:
- नवनीत्यानंद (मोडक महाराज) यांचे अपघातात निधन
- ड्रायव्हरला डुलकी आल्याने कार महामार्गाच्या दुभाजकावर आदळली
- पुणे बंगळूरू महामार्गावर हा अपघात झाला
पुणे बंगळूरू महामार्गावर साताऱ्यातील सातारा शहरातील अजिंठा चौक परिसरात कार दुभाजकावर आदळून हा अपघाता झाला. यामध्ये कारच्या समोरील काच फुटून मोडक महाराज हे बाहेर फेकले गेल्याने त्यांचा मृत्यू झाला. कल्याण येथील स्वामी समर्थ मठातील अरुण मोडक हे कारने कल्याणहून कोल्हापूरकडे जात होते. यावेळी गणेश जगदीश नरडूक हे गाडी चालवत होते. पहाटेच्या सुमारास ते अजंठा चौक परिसरात आले. यावेळी चालक नरडूक यांना डुलकी आल्याने कार महामार्गाच्या दुभाजकावर जाऊन आदळली. अचानक धडक बसल्याने शेजारी बसलेले अरुण मोडक हे समोरच्या काचेतून बाहेर फेकले गेले. महामार्गावर पडल्याने त्यांचा जागीच मृत्यू झाला.
दरम्यान, मोडक महाराज यांच्या अपघाती निधनाची बातमी समजताच राज्यभरातील भक्तगण कल्याणच्या दिशेने रवाना झाले आहेत. मुंबईसह सिंधुदुर्ग, रत्नागिरी, रायगड, कल्याण जिल्ह्यात मोडक महाराज यांनी श्री. स्वामी समर्थ मठांची स्थापना केली होती. त्यांचे राज्यभरात अनुयायी सुद्धा आहेत. त्यांच्या निधनाने सर्वत्र हळहळ व्यक्त केली जात आहे.
मराठा समाजातील कार्यक्रमात मुख्यमंत्र्यांचा सत्कार, भाषणादरम्यान शिंदे भावूक
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.