भाजपच्या नुपुर शर्मा यांनी पैगंबर मोहम्मद यांच्याविषयी वादग्रस्त वक्तव्य केल्यानंतर अमरावतीमधील औषध विक्रेते उमेश कोल्हे यांनी सोशल मीडियावर त्याचे समर्थन केल्याने या ११ आरोपींनी कट रचून त्यांची हत्या केली, असा आरोप आहे. यातील ११वा आरोपी अहमद याला एनआयएने सप्टेंबरअखेरीस अटक केली होती. २० सप्टेंबर रोजी एनआयएच्या विनंतीवरून न्यायाधीश ए. के. लाहोटी यांनी एनआयएला आरोपपत्र दाखल करण्यासाठी मुदतवाढ दिली होती. एनआयएने या सर्व आरोपींविरोधात बेकायदा कारवाया प्रतिबंधक कायद्याबरोबरच भारतीय दंड संहितेच्या विविध कलमांखाली गुन्हा नोंदवून तपास केला आहे.
वाचाः सोसायटीच्या पदाधिकाऱ्यांसाठी मोठी बातमी; एक चूक महागात, फ्लॅटधारकाला ४७ लाखांच्या भरपाईचे कोर्टाचे आदेश
एनआयएचा मोठा खुलासा
तबलिगी जमातीच्या कट्टरपंथी इस्लामवाद्यांनी उमेश कोल्हे यांची हत्या केल्याचं एनआयएच्या तपासात समोर आलं आहे. न्यायालयात आरोपपत्र दाखल करत एनआयएनं ही माहिती दिली आहे. तबलिगी जमातच्या कट्टरपंथी इस्लामीवाद्यांनी प्रेषित मोहम्मद यांच्या कथित अपमानाचा बदला घेण्यासाठी उमेश कोल्हे यांची हत्या केली. तबलिगी जमातच्या सदस्यांनी धार्मिक भावना दुखावल्याबद्दल कोल्हे यांची हत्या केली, असा दावा एनआयएनं आरोपत्रात केला आहे.
वाचाः पत्नीचे अनैतिक संबंध कळले, नंतर तिच्याच प्रियकराने दिली धमकी, वैतागून पतीने संपवले जीवन
११ जणांवर आरोपपत्र
राष्ट्रीय तपास यंत्रणेने (एनआयए) ११ जणांविरोधात आरोपपत्र दाखल केले. यामध्ये मुबाशिर अहमद, शाहरुख, अब्दुल तौसिफ शेख, महंमद शोएब, अतिब रशीद, युसूफ खान, इरफान खान, अब्दुल अरबाझ, मुसफिक अहमद, शेख शकील आणि शहीम अहमद यांची नावे आरोपपत्रात समाविष्ट आहेत. भाजपच्या निलंबित प्रवक्त्या नुपूर शर्मा यांचे समर्थन करणारी पोस्ट समाजमाध्यमांत केल्याबद्दल कोल्हे यांची हत्या करण्यात आली, असे आरोपपत्रात नमूद करण्यात आले आहे. या प्रकरणी २२ जूनला अमरावती पोलिसांनी गुन्हा दाखल केला होता. दोन जुलैला ‘एनआयए’ने नव्याने गुन्हा दाखल केला.
वाचाः पत्नीचे अनैतिक संबंध कळले, नंतर तिच्याच प्रियकराने दिली धमकी, वैतागून पतीने संपवले जीवन