दीपक केसरकर काय म्हणाले?
राजकारणाच्या पलीकडे जाऊन एकमेकांची मैत्री असते, एकमेकाचा आदर असतो. अजित पवार एकमेकांच्या कुटुंबातील सदस्य असल्यासारखं मोकळेपणाने बोलत असतात. त्यामुळं एखाद्या नेत्यानं तसं वक्तव्य केलं असेल, असं दीपक केसरकर म्हणाले. अजित पवार आमच्या सगळ्यांच्याबरोबर आले तर आनंदच होईल.राष्ट्रवादीत त्यांची घुसमट होते, हे सगळ्यांनी बघितलं आहे. उमदा नेता जर कोणाबर असेल तर कोणाला आवडणार नाही. त्यामुळे पोटे यांनी तसं विधान केलं असेल, असं दीपक केसरकर यांनी म्हटलं.
१ जानेवारीपासून बदलणार हे ३ नियम, गुगल आणि ऑनलाइन पेमेंट यूजर्सला होणार नुकसान
भाजप आमदार पोटे काय म्हणालेले?
अमरावती येथील एका समारंभात काल राज्याचे विरोधी पक्ष नेते अजित पवार प्रमुख पाहुणे म्हणून उपस्थित होते. यावेळी भारतीय जनता पार्टीचे आमदार प्रवीण पोटे यांनी अजित पवार यांच्यावर स्तुती सुमने उधळली. जर पहिल्या शपथविधीचा वेळ सकाळ ऐवजी दुपार असतात तर आज अजित पवार मुख्यमंत्री राहिले असते, अशी टिप्पणी केल्याने पोटे यांनी केल्यानं अनेकांच्या भुवया उंचावल्या होत्या.
नाताळच्या सुट्ट्या, सरत्या वर्षाला निरोप; साई मंदिर आकर्षक रोषणाईने उजळले
अमरावती येथील संत ज्ञानेश्वर सांस्कृतिक भवनात आयोजित अहिल्यादेवी पुरस्कार वितरण सोहळ्यात अजित पवार प्रमुख पाहुणे म्हणून उपस्थित होते. यावेळी काँग्रेसच्या नेत्या यशोमती ठाकूर, राष्ट्रवादीच्या नेत्या सुरेखाताई ठाकरे, सलील देशमुख यांच्यासह अनेक मोठी मंडळी उपस्थित होती. यावेळी भाजप आमदार प्रवीण पोटे यांनी अजित पवार यांचे कौतुक केल्याने तो चर्चेचा विषय ठरला होता.
प्रवीण पोटे आणि दीपक केसरकरांच्या वक्तव्यावर अजित पवार आणि राष्ट्रवादी काँग्रेसकडून कशी प्रतिक्रिया येते हे पाहावं लागणार आहे. दरम्यान, हिवाळी अधिवेशनाचा दुसरा आठवडा उद्यापासून सुरु होत आहे. यामध्ये याचे राजकीय पडसाद कसे उमटतात हे पाहायला मिळेल.
ठाकरे गटात खळबळ!; ३६ वर्षे जुन्या कट्टर शिवसैनिकाचा भाजपमध्ये प्रवेश, शिंदे गटालाही धक्का