या प्रकरणी वाशिम जिल्ह्यातील मंगरूळपीर पोलिसांनी सात जणांविरुद्ध फसवणुकीचा गुन्हा दाखल केला आहे. मंगरुळपीर येथील फिर्यादीच्या मुलीच्या लग्नाची बोलणी कोल्हापूर येथील जावे कुटुंबातील डॉ. नीलेश यांच्याशी सुरु होती. आरोपी डॉ. नीलेश सुरेश जावे (वय ३६ वर्ष), सेवानिवृत्त अधिकारी असलेले पिता सुरेश श्रावण जावे (वय ७० वर्ष), आई लता सुरेश जावे ( वय ६० वर्ष), बहीण अनिता सुरेश जावे (३८, रा. कदमवाडी रोड कोल्हापूर), सरिता आनंद निनोरीया (४०), आनंद निनोरीया (४१ रा. पुणे), संजय जावे (४५, रा. चोपडा, जि. जळगाव) यांनी फिर्यादीच्या मुलीला पसंत केल्यानंतर पीडित मुलगी आणि निलेश यांचा साक्षगंध कार्यक्रम आटोपला.
त्यानंतर लग्नाची तारीख जवळ येत असल्याने विचारणा केली असता वडील सुरेश जावे भरती आहेत, २० ते २५ दिवस बेडरेस्ट सांगितले आहे, असे सांगून वेळ मारून नेली. त्यानंतर मोबाईलही बंद ठेवला.
फिर्यादी हे कोल्हापूर येथे जावे यांच्या घरी गेले असता त्यांनी ६० लाख रुपये हुंड्याची मागणी केल्याचा आरोप आहे. ६० लाख रुपये द्याल तरच लग्नाची पुढील तारीख काढू, असेही जावे यांनी सांगितले. देत नसाल तर तुमची मुलगी चारित्र्यहीन आहे म्हणून बदनामी करू तसेच साक्षगंधाचे फोटो व्हायरल करू, अशी धमकी देत फिर्यादी व नातेवाईकांना घराबाहेर काढून दिले. फिर्यादी यांनी आरोपींना समजावून सांगण्याचा प्रयत्न केला असता त्यांनी काहीही ऐकले नसल्याचाही दावा केला जात आहे.
हेही वाचा : डोळ्याच्या ऑपरेशनसाठी नेताना महिलेने मान टाकली, मुलींचा आक्रोश, डॉक्टरांनी सांगितलं कारण
आरोपींनी लग्नाचे आमिष दाखवून लग्नासाठी दीड लाख रुपये किमतीचे दागिने घेतले तसेच ६० लाख रुपये हुंडा मागून लग्नाला नकार देत फसवणूक केली. असे फिर्यादीत नमूद केले आहे. या फिर्यादीवरून पोलिसांनी कलम ४१७, ४२०, ३४ भादंवि सहकलम ४ हुंडाबळी अधिनियमानुसार सात जणांवर गुन्हा दाखल केला. या प्रकरणाचा पुढील तपास सहायक पोलिस निरीक्षक शिवचरण डोंगरे करीत आहेत
हेही वाचा : नवऱ्याचे मित्रासोबत नग्न फोटो, बायको न्यायालयात; मुंबई सेशन्स कोर्टाचा मोठा निकाल