नड्डांची सभा संपताच सुधीर मुनगंटीवारांची चर्चा, चंद्रपूर लोकसभेसाठी तिकीट मिळणार?

चंद्रपूर : आगामी विधानसभा निवडणुकांसाठी भाजपने मिशन १४४ आणि लोकसभेसाठी मिशन ४५ आखले आहे.या मिशनचा शुभारंभ चंद्रपुरातून भारतीय जनता पक्षाचे राष्ट्रीय अध्यक्ष जे.पी.नड्डा यांचा उपस्थितीत झाला. चंद्रपुरात झालेल्या सभेत मोठी गर्दी उसळली होती. नड्डा यांची सभा संपली आणि सुधीर मुनगंटीवारांना दिल्लीचं म्हणजे लोकसभा निवडणुकीचं तिकीट मिळणार,अशी चर्चा आता सुरू झाली आहे.भाजपाचे वरिष्ठ नेते जिल्हात आले की ” भाऊ ” की ” भय्या ” यावर भाजपाच्या कार्यकर्त्यात मंथन सुरू होत असते.आज झालेल्या सभेत नड्डा यांनी मुनगंटीवारांच्या कार्याचे कौतुक केले.चंद्रपूर-वणी लोकसभा मतदारसंघात महाराष्ट्रातील काँग्रेसचा एकमेव खासदार आहे.या मतदार संघात मिशन १४४ आणि ४५ ची सुरुवात झाली.भाजपकडून मुनगंटीवार यांना निवडणुकीच्या रिंगणात उतरवण्याची भाजपची ही तयारी समजली जात आहे.

राज्यातील १६ लोकसभा मतदार संघावर भाजपने लक्ष केंद्रीत केले आहे. या मतदार संघात मिशन १४४ आणि ४५ आखण्यात आलं आहे. या मिशनचा शुभारंभ चंद्रपुरात झाला. राष्ट्रीय अध्यक्ष जे.पी.नड्डा, प्रदेशाध्यक्ष चंद्रशेखर बावनकुळे, मंत्री सुधीर मुनगंटीवार, मागासवर्गीय आयोगाचे राष्ट्रीय अध्यक्ष हंसराज अहिर उपस्थित होते. या सभेत नड्डा यांनी पंतप्रधान नरेंद्र मोदी यांच्या कार्याची स्तुती करतानाच काँग्रेसचे चिमटे काढलेत. तर शिवसेनेला विचारांशी बेईमान करणारा पक्ष म्हटले.

आता अहमदनगरच्या विभाजनाचा मुद्दा पेटला, आमदार जगताप आणि विखे पाटील याची परस्पर विरोधी मते

पक्षांतर्गत वादांचं आव्हान

याच सभेत नड्डा यांनी मंत्री सुधीर मुनगंटीवार यांच्या कार्याचे केले. सुधीर मुनगंटीवार यांच्या कार्याचा आढावा घेण्यात आला. नड्डा यांची सभा संपली आणि जिल्हा भाजपा लोकसभेसाठी भाऊ की भैया ही चर्चा रंगली. जिल्हा भाजपा अंतर्गत वाद सुरू असल्याच्या चर्चा आहेत. पक्षाच्या कार्यक्रमात मुनगंटीवार यांच्या कार्यकर्त्यांकडून अहिराना अनेकदा झुकत माप दिल्या गेलं. अहिर यांच्याकडून मतदार संघात दौरे सुरू होते.मागील महिन्यात काँग्रेसचे ज्येष्ठ नेते नरेश बाबू पुगलीया यांची भेट अहिर यांनी घेतली होती.या भेटीमुळे अनेकांच्या भुवया उंचावल्या होत्या.

अजित पवार असं कसं काय बोलले, याचा मला आश्चर्याचा धक्का बसला- चंद्रकांत पाटील

भाजपने हंसराज अहिर यांना मागासवर्गीय आयोगाचं राष्ट्रीय अध्यक्षपदावर बसविले आहे.त्यांना दिल्लीला पाठवलं. आज नड्डा यांनी केलेली मुनगंटीवार यांचे कौतुक बघता लोकसभा उमेदवारीची लॉटरी लागेल असं बोललं जातं आहे.

चंद्रपूर सध्या काँग्रेसकडे
महाराष्ट्रातील काँग्रेसचे एकमेव लोकसभा खासदार म्हणून बाळू धानोरकर यांची ओळख आहे. बाळू धानोरकर हे २०१९ च्या लोकसभा निवडणुकीत चंद्रपूर वणी लोकसभा मतदारसंघातून विजयी झाले आहेत. भाजपनं पहिली सभा त्यांच्या मतदारसंघात घेत लोकसभेचं रणशिंग फुंकलं आहे.

हार्दिक पंड्याचे ऋषभ पंतबाबत मोठं वक्तव्य, म्हणाला’आता त्याच्या भविष्याबाबत…’