शिंदे गट म्हणजे टोळी, असल्या टोळ्या गँगवॉर किंवा एन्काऊंटरमध्ये मारल्या जातात: राऊत

शिवरायांचा अपमान करणारे अण्णाजी पंत राजभवनात बसलेत: सामना

भाजपकडून सोशल मीडिया आणि रस्त्यावरील आंदोलनांच्या माध्यमातून अजित पवार यांना लक्ष्य केले जात आहे. अशावेळेस शिवसेना (ठाकरे गट) अजितदादांच्या मदतीला धावून आली आहे. शिवसेनेचे मुखपत्र असलेल्या ‘सामना’तून राज्यपाल आणि भाजप नेत्यांनी छत्रपती शिवरायांविषयी केलेल्या आक्षेपार्ह वक्तव्यांची आठवण करुन देण्यात आली आहे. छत्रपती शिवरायांचा अपमान करणारे ‘अण्णाजी पंत’ आज ‘सत्तेवर आहेत, राजभवनात ठाण मांडून बसले आहेत. त्यांना पाठीशी चालणारे अण्णाजी पतांचे समर्थक अजित पवारांना तारतम्य बाळगण्याचा सल्ला देतात हीच खरी गंमत आहे. आधी शिवराय अपमानप्रकरणी राज्यपालांना हटवण्याची मागणी करा. मुख्यमंत्री, उपमुख्यमंत्री हे तारतम्य बाळगणार आहेत का, असा सवाल ‘सामना’तून उपस्थित करण्यात आला आहे.