मी सांगत नाही तोपर्यंत मोबाईल ऑन करायचा नाही, पवारांनी सांगितला लक्ष्मण जगताप यांच्याबाबतचा किस्सा

पुणे(पिंपरी) : राष्ट्रवादी काँग्रेस पक्षाचे नेते आणि विधान सभेतील विरोधी पक्षनेते अजित पवार यांनी दिवंगत आमदार लक्ष्मण जगताप यांच्याविषयी एक किस्सा सांगत त्यांच्या आठवणी जागवल्या. ज्यावेळी २०१४ ची निवडणूक होती. त्यावेळी मी लक्ष्मणला सांगितल होते की, तू अपक्ष उभा राहा, आणि जोपर्यंत मी सांगत नाही तो पर्यंत तुझा मोबाईल ऑन करायचा नाही, वरिष्ठांचा दबाव होता. त्यावेळी काँग्रेसच्या उमेदवाराला उमेदवारी मिळाली होती. त्यावेळी मीच त्याला अपक्ष उभे केले आणि त्याचा लोकसंपर्क आणि काम चांगले असल्यामुळे लक्ष्मण मोठ्या मताने निवडून आला, असा अविस्मरणीय किसा आज विरोधी पक्ष नेते अजित पवार यांनी सांगितला.

पिंपरी येथे विरोधी पक्ष नेते अजित पवार यांनी दिवंगत आमदार लक्ष्मण जगताप यांच्या कुटुंबीयांची सांत्वनपर भेट घेतली. तसेच त्यांनी त्यांच्या मुलांची देखील आपुलकीने विचारपूस केली. यावेळी अजित पवार यांनी लक्ष्मण जगताप यांचे भाऊ शंकर जगताप यांच्याशी संवाद साधत त्यांचे सांत्वन केले. अजित पवार यांनी लक्ष्मण जगताप यांच्या सोबत घडलेल्या अनेक आठवणींना यावेळी उजाळा देण्याचा प्रयत्न केला.

क्लिक करा आणि वाचा- पंढरपूरच्या विठुरायाच्या चरणी पोतेभर खोटे दागिने, असे का घडते?, मंदिर प्रशासनाने सांगितले

एका वेळी दिवंगत आमदार लक्ष्मण जगताप हे अजित पवार यांचे अत्यंत निकटवर्तीय म्हणून ओळखले जायचे. अजित पवार आणि लक्ष्मण जगताप हे पिंपरी चिंचवडमध्ये एक समीकरणच होते. अजित पवार यांनी त्यांच्या कुटुंबातील प्रत्येक व्यक्तीची आपुलकीने चौकशी केली. लक्ष्मण जगताप यांच्या जडणघडणीत अजित पवार यांचा मोठा वाटा असल्याचे अनेकदा आपण एकले आहे.

क्लिक करा आणि वाचा- डॉ. बाबासाहेब आंबेडकर यांच्यावर आक्षेपार्ह गाणे, वंचितच्या युवा आघाडीची पोलिसात तक्रार

अजित पवार यांच्यासोबत राष्ट्रवादीचे नेते एकनाथ खडसे, माजी आमदार आणि लक्ष्मण जगताप यांचे जवळचे मित्र विलास लांडे यांसह अनेक पदाधिकारी उपस्थित होते.

क्लिक करा आणि वाचा- जितेंद्र आव्हाड यांनी शेअर केला आरोप करणाऱ्या महिलेचा व्हिडिओ, गंभीर दाव्याने उडाली खळबळ