सहा वर्षांचं लेकरु घेऊन गावी निघाली, पण रेल्वेस्टेशनवर आई तर्राट; मुलाचं अपहरण

पुणे: पुणे रेल्वे स्थानकात लहान बालकं सुरक्षित आहेत का? हा प्रश्न पुन्हा एकदा ऐरणीवर आला आहे. कारण गेल्या महिन्यात पुणे स्टेशनवरुन बाळाचं अपहरण झाले होते. पुणे रेल्वे स्टेशन परिसरातून अपहरण झाले होते. अडीच वर्षाच्या बालकाचा शोध घेण्यात लोहमार्ग पोलीस आणि रेल्वे सुरक्षा बलाच्या जवानांना यश आलं होतं. अशीच घटना पुन्हा एकदा घडली आहे.

पुणे स्टेशनवर आई दारूच्या नशेत धुंद असताना सहा वर्षाच्या मुलाचं अपहरण करण्यात करण्यात आल्याची धक्कादायक घटना घडली आहे. याप्रकणी ४० वर्षीय महिलेने बंडगार्डन पोलीस स्थानकात तक्रार दाखल केल्यानंतर पुणे पोलिसांनी गुलबर्गा पोलिसांच्या मदतीने इक्बाल हसन शेख (वय ३२, रा. पेडगाव, कोल्हापूर) नामक अपहरणकर्त्याला अटक केली आहे.

मी तुमच्या मुलाचा मित्र, माझ्यासोबत या; निर्जन जागी नेत पुण्यात दहा वृद्धांची १० लाखांना लूट

पोलिसांनी दिलेल्या माहितीनुसार, तक्रारदार महिला ही पिंपरी येथील रहिवासी आहे. या महिलेला दारु पिण्याचे व्यसन आहे. सदर महिला ही ९ जानेवारीला तिच्या सहा वर्षाच्या मुलासह गावी जाण्याकरिता दारुच्या नशेत पुणे स्टेशन परिसरात आली होती. तिथे तिची ओळख आरोपी इक्बाल शेख याच्याशी झाली. याच परिसरात तिने शेखबरोबर शिल्लक असलेली दारु पुन्हा प्यायल्याने तिला दारुची नशा जास्त झाल्याने ती तेथेच झोपी गेली. याचाच फायदा इक्बाल शेख याने उचलला आणि महिलेबरोबर असणाऱ्या तिच्या सहा वर्षीय मुलाला फूस लावून पळवून नेला.

पुण्यात MNGL पाईपलाईन लिक झाल्याने भीषण स्फोट, अग्निशमन दलाच्या ३ गाड्या घटनास्थळी

याबाबत तक्रार आल्यानंतर पुणे लोहमार्ग पोलीस व बंडगार्डन पोलीस यांनी आरोपीचा तात्काळ शोध सुरु केला. पोलिसांनी परिसरातील सीसीटीव्ही तपासले. त्यात एक संशयित सापडला. अपहरणकर्त्याने मुलाला गुलबर्गा येथे नेल्याचे तांत्रिक तपासात उघड झाले. त्यानंतर पुणे पोलिसांनी गुलबर्गा पोलिसांची मदत घेत इक्बाल शेख याला अटक करत मुलाची सुटका केली. याबाबत पुढील तपास सहाय्याक पोलीस निरीक्षक एन. मधाले करत आहे.