ऋतिक विजय पाटील हा तालुक्यातील धरणगाव येथील रहिवासी आहे. तो जळगाव खान्देश येथील एम जे महाविद्यालयात द्वितीय वर्षाला शिकत होता. धरणगावात जिल्हा परिषद शाळेनजीक वाड्यात सोमवारी दुपारी साडेतीन वाजताच्या सुमारास ऋतिकला वडिलांनी आवाज दिला असता. त्याने प्रतिसाद दिला नाही. त्यामुळं त्यांनी त्याचा शोध घेतला. मात्र, ऋतिकच्या खोलीचा दरवाजा उघडला असता समोर दिसलं ते पाहून धक्काच बसला.
वाचाः अल्पवयीन मुलीचा विनयभंग, आई-वडिलांनी दुर्लक्ष केले, अखेर मुलीने प्रियकरासोबत…
ऋतिकने दोरीला गळफास घेऊन लटकलेला आढळून आला. या घटनेची माहिती गावभर पसरली आहे. ऋतिक अत्यंत मनमोकळ्या स्वभावाचा असल्याने त्याने आत्महत्येसारखे पाऊल का उचलले हे अद्याप अस्पष्ट आहे. मात्र गावकऱ्यांमध्ये वेगवेगळे तर्क वितर्क लावले जात आहे. पोलिसांनी या प्रकरणी आकस्मित मृत्युची नोंद केली आहे. पुढील तपास पोलीस हेड कॉन्स्टेबल सचिन पाटील करीत आहे. एकंदरीत अचानक घडलेल्या या घटनेमुळे परिसरात हळहळ व्यक्त केली जात आहे.
वाचाः वाशिमः नागरिकांचा प्रवास सुखाचा होणार कधी?; काल बनवलेला रस्ता एका दिवसात उखडला