महाविकास आघाडी बैठक घेणार
‘राज्यात एखाद्या विधानसभा सदस्याचे निधन झाल्यास आणि त्यांच्याच कुटुंबातील सदस्य पोटनिवडणूक लढवणार असल्यास, ती बिनविरोध करण्यासाठी ज्या त्या पक्षाचा प्रयत्न असतो. कसबा आणि चिंचवड विधानसभा मतदारसंघांतही असाच सूर आहे. मात्र, या ठिकाणी अनेक इच्छुक पुढे येत आहेत. चिंचवडमध्ये स्वर्गीय लक्ष्मण जगताप यांच्या पत्नी आणि बंधू यांचे, तर कसब्यातून मुक्ता टिळक यांच्या पतीचे व इतर अनेकांची नावे पुढे येत आहेत. यात कोणाला उमेदवारी द्यायची, हा भाजपचा अंतर्गत विषय आहे. मात्र, महाविकास आघाडी याबाबत लवकरच बैठक घेऊन ‘ज्या पक्षाची ताकद जास्त, तेथे त्या पक्षाचा उमेदवार,’ असा विचार करण्यात येत आहे,’ अशी प्रतिक्रिया पवार यांनी व्यक्त केली.
ती आंदोलने लोकशाहीला घातक
दरम्यान, पुण्यात हिंदू व ख्रिश्चन धर्मियांकडून करण्यात येत असलेल्या आंदोलनाबाबत पवार म्हणाले, ‘गेल्या ७५ वर्षांत कधीच धर्माचे आंदोलन झाले नाही. अशा आंदोलनांतून धर्माधर्मांमधील अंतर वाढत असून, हे लोकशाहीला घातक आहे. संविधानाला तिलांजली देण्याचा प्रयत्न होत आहे. प्रत्येक धर्माचा आदर असला पाहिजे, त्याचा अतिरेक कोणी करू नये. आपल्या राज्यातील कायदा सुववस्था बिघडणार नाही याबाबत भूमिका सर्वांनी घेण्याची गरज आहे.’
पोटनिवडणूक रंगतदार होणार
पवार यांनी पोटनिवडणूक लढविण्याचे स्पष्ट संकेत दिल्याने या दोन्हीही निवडणुका अधिक रंगतदार होतील, अशी चर्चा सुरू झाली आहे. कसबा विधानसभा मतदारसंघात गेल्या निवडणुकांमध्ये काँग्रेसने भाजपला टक्कर दिली आहे. त्यामुळे कसब्यातून महाविकास आघाडीची उमेदवारी काँग्रेसला मिळेल, अशी शक्यता आहे. राष्ट्रवादी काँग्रेसकडूनही हा मतदारसंघ लढविण्यासाठी मागणी केली जात आहे. चिंचवड विधानसभा मतदारसंघात २०१९च्या निवडणुकीत अपक्ष उमेदवाराला भाजपविरोधातील सर्व पक्षांनी पाठिंबा दिला होता. त्यामुळे या निवडणुकीत ही जागा शिवसेना (ठाकरे गट) की राष्ट्रवादी काँग्रेस लढविणार, याबाबत चर्चा झडत आहेत.