एक वर्ष कोणताही रिचार्ज करावा लागणार नाही, ७५ GB अतिरिक्त डेटाही मिळणार

नवी दिल्ली: VI Plans : लॉंग व्हॅलिडिटीसह येणारे प्लान्स आजकाल युजर्सना आवडत आहेत. दूरसंचार कंपनी Vodafone-Idea देखील युजर्ससाठी असेच काही उत्तम प्लान्स ऑफर करत आहे. Vodafone-Idea च्या या प्लान्समध्ये तुम्हाला एक वर्षापर्यंत वैधता मिळेल. यामध्ये दररोज २ GB पर्यंत डेटा देखील मिळतो. याशिवाय, कोणत्याही अतिरिक्त शुल्काशिवाय ७५ GB अधिक डेटा दिला जात आहे. यामध्ये तुम्हाला फ्री कॉलिंगसह अनेक अतिरिक्त फायदे मिळतील. यापैकी एका प्लानमध्ये Disney Plus Hotstar वर विनामूल्य प्रवेश देखील दिला जात आहे. जाणून घेऊया.

वाचा: सुरू झाला जबरदस्त सेल, iPhone 14 वर ९००० रुपयांची सूट, इतर फोन्सवरही ऑफ

Vodafone-Idea चा २८९९ रुपयांचा प्लान:

कंपनीचा हा प्लान ३६५ दिवस चालतो. यामध्ये तुम्हाला इंटरनेट वापरण्यासाठी दररोज १.५ जीबी डेटा मिळेल. प्लानची खास गोष्ट म्हणजे, यामध्ये कंपनी ७५ GB एक्स्ट्रा डेटा सुद्धा मोफत देत आहे. यामध्ये तुम्हाला दररोज १०० मोफत एसएमएस आणि अनलिमिटेड कॉलिंग देखील मिळेल. हा प्लान Binge All Night Benefit सह येते. यामध्ये तुम्ही मध्यरात्री १२ ते सकाळी ६ वाजेपर्यंत अमर्यादित डेटा वापरू शकता. यासोबतच हा प्लान वीकेंड डेटा रोलओव्हर आणि डेटा डिलाईट देखील देत आहे. या प्लानच्या सदस्यांना Vi Movies आणि TV अॅपचे मोफत सबस्क्रिप्शन देखील मिळेल.

वाचा: १५० W चार्जिंगसह येणारा OnePlus चा स्मार्टफोन स्वस्तात खरेदी करा, पाहा ऑफर डिटेल्स

३०९९ रुपयांच्या प्लानमध्ये उपलब्ध फायदे:

कंपनीचा हा प्लान ३६५ दिवसांच्या वैधतेसह येतो. यामध्ये तुम्हाला इंटरनेट वापरण्यासाठी दररोज २ जीबी डेटा मिळेल. २८९९ रुपयांच्या प्लान प्रमाणे यामध्ये देखील कंपनी ७५ GB अतिरिक्त डेटा मोफत देत आहे. हा प्लान Binge All Night, Weekend Data Rollover आणि Data Delights लाभांसह देखील येतो. या प्लानची खास गोष्ट म्हणजे, यामध्ये तुम्हाला Disney + Hotstar चे एक वर्षासाठी फ्री सब्सक्रिप्शन मिळेल. प्लानमध्ये कंपनी Vi Movies & TV अॅपचे मोफत सबस्क्रिप्शन देखील दिले जात आहे.

वाचा: २०३० पर्यंत नामशेष होतील स्मार्टफोन्स ? थेट इंटरनेटशी जोडला जाईल मेंदू ? पाहा डिटेल्स