तोंडाला रुमाल बांधून घरात शिरले, महिलेचा विनयभंग केला, घरातील लाखोंचा ऐवज लंपास

जालना : एका ३८ वर्षीय महिलेच्या घरात बळजबरीवे घुसून तिचा विनयभंग केल्यानंतर तिच्याच घरातील रोख रकमेसह ६ लाख ६४ हजारांचा ऐवज लंपास केल्याची घटना रविवारी दुपारी ३ वाजण्याच्या सुमारास जालना जिल्ह्याच्या परतूर शहरातील जयभद्रानगर येथे घडली. याप्रकरणी एका राजकीय पक्षाच्या तालुकाध्यक्षासह इतर ३० ते ४० जणांवर परतूर पोलीस ठाण्यात गुन्हा दाखल करण्यात आला आहे. या घटनेमुळे परतूरमध्ये खळबळ उडाली आहे.

रविवारी ही पीडित महिला घरात बसलेली होती. त्याचवेळी संशयित संदीप गायकवाड, आकाश जाधव, रमेश भापकर, शिवा पाईकराव, विठ्ठल भापकर, आकाश शिवदास शिंदे, मनीष प्रीतम भवरे हे हातात चाकू, तलवार घेऊन घरात घुसले. संशयितांसोबत असलेल्या सुमारे २० ते ३० व्यक्ती तोंडाला रुमाल बांधून आल्या होत्या. या अनोळखी व्यक्तींनी देखील घरातील सामानाची तोडफोड केली. या व्यक्तींमध्ये पुरुषांसह महिलांचा देखील समावेश होता.

क्लिक करा आणि वाचा- भाजप नेत्याची गोळ्या झाडून हत्या; पोलिसांनी दिला इशारा, मुख्य आरोपी शरण आला

संयशित रमेश भापकर आणि त्यांच्यासोबत असणाऱ्या इतर दोन अनोळखी व्यक्तींनी घराचे राहिले पैसे केव्हा देणार?, असा दम देत महिलेचा विनयभंग केला. इतक्यावरच न थांबता त्यांनी महिलेल्या घरात शोधाशोध करून घरातील सामान इतरत्र फेकून दिले. तसेच हाताला लागलेले ४० हजार रुपये किमतीचे ३ मोबाइल, कपाटातील रोख रक्कम ५ लाख ३३ हजार व सोन्याचे दागिने लंपास केले. त्यानंतर घाबरलेल्या महिलेने पोलीस ठाणे गाठत घडलेला प्रकार कथन केला.

क्लिक करा आणि वाचा- कॅन्सरच्या लास्ट स्टेजवर होती महिला; तो तिच्यासाठी होता वेडा, हॉस्पिटलमध्येच केले लग्न, नर्स, डॉक्टर साक्षीदार

परतूर पोलिसांनी या गंभीर घटनेची तत्काळ दखल घेत गुन्हा दाखल करत संबंधितांवर कारवाईचा बडगा उचलला आहे.

क्लिक करा आणि वाचा- ग्रेट! ११ वीच्या विद्यार्थ्याने बनवले नवे यंत्र, बदलणार शेतकऱ्यांचे नशीब, IIM करणार सन्मान