मिळालेल्या माहितीनुसार, पाथरी तालुक्यातील डाकू पिंपरी येथील चार विद्यार्थी कानसुर येथील असणाऱ्या श्री. चक्रधर स्वामी विद्यालय येथे आज गुरुवार २६ जानेवारी रोजी सकाळी प्रजासत्ताक दिनानिमित्त ध्वजारोहणासाठी दुचाकीवरून जात होते. सकाळी साडेसातच्या सुमारास महाविद्यालयापासून एक किमी अंतरावर राष्ट्रीय महामार्गावर समोरून येणाऱ्या वाहनाला त्यांची दुचाकी धडकली आणि भीषण अपघात झाला. हे चौघंही विद्यार्थी इयत्ता नववीत शिकत होते.
ठाण्यात उद्धव ठाकरे बरसले; मोजक्याच शब्दांत एकनाथ शिंदेंचा खरपूस समाचार, मोठी घोषणाही केली!
अपघात झाला त्यावेळी दुचाकीवर बसलेले चारही विद्यार्थी रस्त्याच्या कडेला फेकले गेले. अपघात एवढा भीषण होता की, यामध्ये एका विद्यार्थ्याचा हात अक्षरश: धडावेगळा झाला आहे. तर शंतनु कांचन सोनवणे या विद्यार्थ्याचा उपचारादरम्यान मृत्यू झाला आहे. बाकी तीन विद्यार्थी गंभीर जखमी झाले आहेत.
दरम्यान, या अपघाताचा एक व्हिडिओ सोशल मीडियावर व्हायरल झाला व त्यानंतर थोड्याच वेळाने अपघातापूर्वीचा एक व्हिडिओ सोशल मीडियावर व्हायरल झाला आहे. यामध्ये हे विद्यार्थी समाज (इंन्स्टाग्राम) माध्यमावर बनवण्यात येणारे ‘रील व्हिडिओ’ बनवत असताना दिसून येत आहेत. जेव्हा अपघात झाला तेव्हा ज्या वाहनाला त्यांची दुचाकी धडकली होती, ते अज्ञात वाहन घटनास्थळावरून निघून गेले होते.
स्थानिक लोकांनी विद्यार्थ्यांना उपचारासाठी आंबेजोगाई येथे पाठवले आहे. अपघातातील दोन विद्यार्थी गंभीर असल्याने त्यांना पुढील उपचारासाठी लातूर येथे पाठवण्यात आले आहे. घटनेची माहिती कळताच पोलीस निरीक्षक गणेश राहिरे यांच्यासह पाथरी पोलिसांचे पथक घटनास्थळी पोहोचले.
दरम्यान, अपघातापूर्वीचा एक व्हिडिओ व्हायरल झाला असून यामध्ये दुचाकी वर बसलेले हे चारही विद्यार्थी मोबाईलमध्ये ‘रील व्हिडिओ’ बनवताना दिसून येत आहेत. चालत्या दुचाकीवर एका हाताने मोबाईलमध्ये व्हिडिओ करण्याच्या नादात विद्यार्थ्यांचा भीषण अपघात झाला असावा, अशी शक्यता वर्तवली जात आहे.
फक्त १ विकेट आणि युझवेंद्र चहल इतिहास रचणार, टी-२० मध्ये मोठा विक्रम आपल्या नावे करण्याची संधी