नवी दिल्ली: बॉलिवूडचे प्रसिद्ध अभिनेता अन्नू कपूरच्या चाहत्यांसाठी एक वाईट बातमी आहे. अन्नू कपूर यांना छातीत दुखू लागल्याने त्यांना रुग्णालयात दाखल करण्यात आले आहे. मात्र, आता त्यांची प्रकृती स्थिर असून ते बरे होत असल्याचं डॉक्टरांनी सांगितलं आहे. अन्नू कपूर यांना चेस्ट कन्जेशन झालं होत. सध्या त्यांना निरीक्षणाखाली ठेवण्यात आले आहे. सकाळीच त्यांना रुग्णालयात दाखल करण्यात आले होते. आता त्यांची प्रकृती स्थिर आहे.
अन्नू कपूर यांना २६ जानेवारीला सकाळी सर गंगाराम रुग्णालयात दाखल करण्यात आले. डॉ. अजय (व्यवस्थापन मंडळाचे अध्यक्ष) यांनी दिलेल्या माहितीनुसार अन्नू कपूर यांना छातीत त्रास झाल्यामुळे त्यांना रुग्णालयात दाखल करण्यात आले होते. त्यांच्यावर कार्डिओलॉजीस्ट डॉक्टर सुशांत उपचार करत आहेत. यावेळी अन्नू कपूरची प्रकृती स्थिर असल्याची माहिती आहे.