आदिल दुर्रानीशी लग्न केल्याचं राखीनं जाहीर केलं. त्यानंतर आदिलने हे लग्न झाल्याचे जाहीरपणे स्वीकारले नाही. परंतु नंतर त्याने राखीशी लग्न केल्याचं मान्य केलं. यातून राखी बाहेर येते ना येते तोच शर्लिन चोप्राने राखीविरोधात तक्रार नोंदवली. त्यामुळे राखीला पोलीस ठाण्यात जाऊन चौकशीला सामोरं जावं लागलं. दिवसभराच्या चौकशीनंतर राखीला सोडण्यात आलं. या सर्वांतून बाहेर पडल्यानंतर राखी आईच्या प्रकृतीमध्ये आराम पडावा यासाठी दुवा मागण्यासाठी दर्ग्यात पोहोचली. राखीचा दर्ग्यात जातानाचा व्हिडिओ सोशल मीडियावर खूपच व्हायरल झाला आहे.
सोशल मीडियावर व्हायरल झालेल्या व्हिडिओमध्ये राखी म्हणते की, ‘अलिकडेच माझं लग्न आदिल दुर्रानी याच्यासोबत झालं. त्यानंतर पहिल्यांदाच मी दर्ग्यावर चादर घेऊन आले आहे. गरीब नवाज यांना ही चादर अर्पण करणार आहे. तसेच त्यांच्याकडे माझ्या आईची तब्येत सुधारावी यासाठी आणि माझं लग्न सुरळीत राहावं यासाठी प्रार्थना करणार आहे. तसंच तुम्ही सर्वजणदेखील माझ्या सुखी संसारासाठी प्रार्थना करा ही माझी तुम्हाला विनंती आहे.’
राखी पुढे म्हणाली की, ‘गरीब नवाजचा ऊरूस सुरू असून मला चादर अपर्ण करायची आहे. माझी दुवा कबूल होवो, तसंच जगातून कॅन्सरसारखा आजार दूर होवो, इतकीच माझी इच्छा आहे.’ यावेळी राखीने गुलाबी रंगाचा पंजाबी ड्रेस घालत डोक्यावर ओढणी घेतली होती. तिच्या हातात दर्ग्यात अपर्ण करायची चादर होती.
राखी म्हणाली पठाण ३०० कोटी कमावेल
राखी सावंतने यावेळी पठाण सिनेमाचं भरभरून कौतुक केले. ती म्हणाली की, ‘शाहरुख खान आणि सलमान खान यांचा हा सिनेमा सर्व विक्रम मोडेल.’ या सिनेमाने ३०० कोटी कमवावे आणि आरआरआर सिनेमाचा रेकॉर्ड मोडावा. शाहरुख खान संपूर्ण देशाचा लाडका अभिनेता आहे.’ दरम्यान, राखी आणि आदिल लग्नानंतर अनेकदा एकत्र दिसले. लग्न केल्यानंतर आदिलने ते स्वीकारण्यास काही काळ लावला होता. परंतु अखेर त्यानेही राखीसोबत लग्न झाल्याचं सोशल मीडियावर मान्य केलं.