या ७ नवीन शहरांमध्ये Airtel 5G ची एंट्री, युजर्सना मिळणार जबरदस्त इंटरनेट स्पीड

नवी दिल्ली: 5G India:भारतात रॅपिड 5G रोलआउट सुरू असून आता Airtel रिलायन्स जिओला स्पर्धा देत आहे. एअरटेलची 5G सेवा आता ७ नवीन शहरांमध्ये सुरू करण्यात आली आहे. एअरटेलने देशाच्या उत्तरेकडील जम्मू आणि काश्मीर राज्यातील ७ शहरांमध्ये 5G सेवा सुरू करण्याची घोषणा केली आहे. या शहरांमध्ये युजर्सना हाय-स्पीड 5G इंटरनेटचा लाभ जुन्या सिमवर मिळेल.

वाचा: महागड्या 5G स्मार्टफोनवर ३२ हजार रुपयांचा ऑफ, फोनचे फीचर्स A1, पाहा डिटेल्स

या शहरांमध्ये सांबा, कठुआ, उधमपूर, अखनूर, कुपवाडा, लखनपूर आणि खौर यांचा समावेश आहे. विशेष म्हणजे एअरटेल ही एकमेव दूरसंचार कंपनी आहे, जिच्या ग्राहकांना जम्मू-काश्मीरमध्ये 5G सेवेचा लाभ मिळत आहे.

वाचा: नवीन Smart TV खरेदी करायचा असेल तर, Amazon सेलमधील ऑफर्स एकदा पाहाच

सांबा: सांबाच्या मंडी सांगवली औद्योगिक क्षेत्र, रेल्वे स्टेशन, काली मंडी आणि सांबा बाजार येथे 5G नेटवर्क उपलब्ध व्हायला लागले आहेत.

कठुआ: कालीबारी वॉर्ड क्रमांक २ जिल्हा रुग्णालय, कठुआ दुर्गा नगर, कठुआ गोविंदसर आणि शिवनगर राजबाग अमृत विहारमधील युजर्सना हाय-स्पीड 5G सेवा मिळत आहेत.

उधमपूर: येथे 5G सेवा उपलब्ध असलेल्या भागात धार रोड, रहंबल शक्ती नगर, लांबी गली एकता विहार, चोप्रा शॉप आणि गोल मार्केट चबुतरा बाजार सेलेन तालब यांचा समावेश आहे.

अखनूर: एअरटेल अंबरन बल्लेबाग आणि दसकल अखनूर मेन चौक बर्धल कल्लनमधील अखनूरच्या रहिवाशांना 5G लाभ देत आहे.

कुपवाडा: कुपवाडा येथील पंजगाम, सुलकूट, कुपवाडा बाजार, अंधेरहामा आणि त्रेगाम यांना 5G चा लाभ मिळत आहे.

जम्मू आणि काश्मीरमधील ७ नवीन शहरांमध्ये 5G रोलआउटसह भारतातील ५९ शहरांमधील ग्राहक आता 5G कनेक्टिव्हिटीचा आनंद घेऊ शकतील. कंपनीने सांगितले आहे की, या भागात 5G एनेबल उपकरणे वापरणाऱ्या ग्राहकांना अतिरिक्त पैसे न देता जुन्या सिमवर 5G पेक्षा २० ते ३० पट चांगला इंटरनेट स्पीड मिळेल.

वाचा: iPhone खरेदीची इच्छा होणार पूर्ण, या मॉडेल्सवर मिळतोय तगडा डिस्काउंट