पाच ते सहा वर्षांपूर्वी छाया लायगुडे यांचा मोठा मुलगा विशाल लायगुडे याचे दीर्घ आजाराने अवघ्या ३२ व्या वर्षी निधन झाले. विशालच्या पश्चात त्यांची आई, पत्नी रश्मी, आणि पाच वर्षांची मुलगी आहे. त्यामुळे एवढ्या लहान वयात सुनेच्या वाट्याला मोठ दुःख आले. मुलगा गेल्याने सूनेवर देखील दुःखाचा डोंगर कोसळला होता. त्यामुळे सुनेच्या भविष्याचा विचार सासूच्या मनात घर करून होता. त्यामुळं त्यांन रश्मी यांचा दुसरा विवाह लावून देण्याचा निर्णय घेतला.
वाचाः भाजपच्या ‘मिशन मुंबई’साठी PM मोदी मैदानात: नवा दौरा ठरला, १० फेब्रुवारी रोजी पुन्हा शहरात
सासूने सुनेचा स्वतःच्या मुलीप्रमाणे सांभाळ केला. सुनेचे योग्य समुपदेशन करून योग्य वरदेखील मिळवून देण्यासाठी प्रयत्न केले. सासू- सुनेचे नातेदेखील प्रसंगी आई- मुलीच्या नात्यात बदलले. या घटनेने सासूचे सोशल माध्यमांवर कौतुक होऊ लागले आहे. सासू सुनेच्या नात्याचा अर्थच या कृतीने बदलला आहे. विधवा सुनेचे कन्यादान जेव्हा सासू करते तो क्षण म्हणजे इतिहास घडवणारी नांदी आहे. हा विवाह सोहळा नुकताच पुण्यात झाला. सासूने सुनेचे कन्यादान करत आपल्या या कृतीतून आदर्श घालून दिला आहे.
वाचाः लहानपणीच रातआंधळेपणा, परिस्थिती बिकट; लोकशाहीचा भन्नाट अर्थ सांगणारा चिमुकला आहे तरी कोण?
‘पतीच्या निधनानंतर स्वत: विधवेचे दु:ख सोसले आहे. माझ्या सुनेच्या आयुष्यात देखील असा प्रसंग येईल वाटले नव्हते. मात्र माझ्या मुलाच्या निधनानंतर तिच्या वाट्याला हे दुःख आले. मात्र तिच्यापुढे संपूर्ण आयुष्य होते. त्यामुळे सर्व नातेवाईकांच्या संमतीने तिच्या पुनर्विवाहाचा निर्णय घेतला आणि सर्वांच्या संमतीने तिचे कन्यादान केले. या विवाहासाठी धाकटा मुलगा विपुल व धाकटी सून भाविका यांच्यासह अन्य नातेवाईक यांची साथ मिळाल्याने हे करणे शक्य झाले. माझ्या वडिलांच्या विचारांमुळे हे करणे मला शक्य झाले,’ असं छाया लायगुडे यांनी सांगितले.
वाचाः शुभांगीच्या हत्या प्रकरणात महत्त्वाची अपडेट; पोलिसांना ओढ्यात आढळली हाडे, तपासाला वेग