नेहादेखील शाहरुखची मोठी चाहती आहे. तिने शाहरुखबद्दल २० वर्षांपूर्वी एक वक्तव्य केलं होतं. २८ जानेवारीला नेहाने ट्वीट करत आपलं म्हणणं योग्य असल्याचं दाखवून दिलं आहे. २० वर्षांपूर्वी दिलेल्या एका मुलाखतीत नेहाला मुलाखतकाराने विचारलं होतं की पुढे कायम बॉलिवूडमध्ये काय विकलं जाईल? काय कायम राहील? त्यावर नेहाने उत्तर देत लिहिलं, ‘बॉलिवूडमध्ये केवळ शाहरुख खान आणि सेक्स विकला जाईल. तो पुढेही कायम राहील. हे त्याचं राज्य आहे.’ नेहाचं ते वक्तव्य आजही खरं ठरतंय. नेहा स्वतः एक लोकप्रिय अभिनेत्री आहे. ती शाहरुखची प्रचंड मोठी चाहती आहे. तिचं ते ट्विट सोशल मीडियावर व्हायरल होत आहे आणि शाहरुखचे चाहते त्यावर भरभरून प्रतिक्रिया देत आहेत.
‘पठाण’ने जगभरात ३०० कोटींचा आकडा केला पार
सिद्धार्थ आनंद दिग्दर्शित ‘पठाण’ या चित्रपटाने अवघ्या तीन दिवसांत जगभरात ३०० कोटींहून अधिक कमाई केली आहे. या चित्रपटात शाहरुख खानशिवाय दीपिका पादुकोण आणि जॉन अब्राहम यांच्याही महत्त्वाच्या भूमिका आहेत. २५ जानेवारीला हा चित्रपट ब्लॉकबस्टर ओपनिंगसह प्रदर्शित झाला आहे. चित्रपटाने भारतात तब्बल २०० कोटींची कमाई केली आहे. आता हा आकडा वाढतच आहे.