ते ठरले अखेरचे देवदर्शन, रामेश्वरमहून परतताना भीषण अपघात; भोकरदन, बीडच्या भाविकांचा मृत्यू

भोकरदन : तामिळनाडू येथील रामेश्वरम या प्रसिद्ध तीर्थक्षेत्री एका खासगी कार व रिक्षाचा भीषण अपघाता झाला. या अपघातात महाराष्ट्रातील दोन भाविकांचा जागीच मृत्यू झाला आहे. या अपघातात भोकरदन येथील एक महिला भाविकांचा आणि बीडमधील एका पुरुष भाविकाचा समावेश आहे.

बीड येथील एका खासगी ट्रॅव्हल्स कंपनीमार्फत रामेश्वर या तीर्थक्षेत्राला जाण्यासाठी सहलीचे आयोजन करण्यात आले होते. या सहलीत जालना जिल्ह्यातील व बीड जिल्ह्यातील भाविक मोठ्या उत्साहाने प्रवासाला निघालेले होते. काल दिनांक १९ जानेवारी रोजी दुपारी रामेश्वर येथून यातील काही भाविकांनी खासगी रिक्षाने धनुष्यकोडी येथून परत येण्यासाठी प्रवास सुरू केला. मात्र तो प्रवास नियातीलही मान्य नसावा. या प्रवासात एका खासगी कारने या भाविकांच्या रिक्षाला जोरदार धडक दिल्याने रिक्षामधील ८५ वर्षीय मंगलाबाई अंबादासराव देशपांडे यांचा आणि अशोक डांगे यांचा जागीच मृत्यू झाला.

क्लिक करा आणि वाचा- नमणारही नाही, घाबरणारही नाही; आता सरपंचाला आली एसीबीची नोटीस, आमदार नाईक भडकले

या घटनेची माहिती मिळताच केंद्रीय रेल्वे राज्यमंत्री रावसाहेब दानवे, काँग्रेसचे जिल्हाध्यक्ष राजाभाऊ देशमुख यांनी पत्रकार महेश देशपांडे यांच्या भोकरदन येथील निवासस्थानी भेट देऊन कुटुंबीयांचे सांत्वन करून संबंधित कुटुंबियांना धीर दिला. तामिळनाडू येथील स्थानिक प्रशासनाशी संपर्क करून मदत केली.
भाजप जिल्हाध्यक्ष आमदार संतोष दानवे यांनी देखील तामिळनाडू येथील रामेश्वर येथील भाजप जिल्हाध्यक्ष यांच्याशी तातडीने संपर्क अपघातातील जखमींना रुग्णालयात दाखल करण्यासह त्यांच्या उपचारासाठी सहकार्य करण्याच्या सूचना केल्या.

मंगलाबाईंचा रामेश्वरम येथेच होणार अंत्यसंस्कार

मंगलाबाई देशपांडे या तामिळनाडू राज्यात असल्याने तेथील प्रशासनातील अधिकाऱ्यांसोबत चर्चा करून त्यांना भाविकांना योग्य ते सहकार्य करण्याच्या सूचना रावसाहेब दानवे यांनी केल्या आहेत. या दुर्दैवी घटनेत मृत पावलेल्या मंगलाबाई देशपांडे यांचा अंत्यविधी रामेश्वरम येथेच होणार आहे. अंत्यसंस्कारासाठी त्यांचे कुटुंबीय व नातेवाईक भोकरदन येथून रविवारी सायंकाळी रवाना झाले.

क्लिक करा आणि वाचा- Adani Group ला तीन दिवसांत सर्वात मोठा फटका, अब्जावधी डॉलरचे नुकसान, गौतम अदानी श्रीमंतांच्या यादीत आणखी घसरले

मंगलाबाई देशपांडे या जालना जिल्ह्यातील भोकरदन येथील रहिवासी असून अशोक डांगे हे बीड जिल्ह्यातील रहिवासी आहेत. या अपघातात रीक्षामधील अन्य ३ भाविक जखमी झाले आहेत. या दुर्घटनेत मृत्यू पावलेल्या मंगलाबाई देशपांडे या भोकरदन शहरातील पत्रकार महेश देशपांडे यांच्या मातोश्री आहेत. त्यांच्या निधनाची बातमी धडकताच भोकरदन शहरातील नागरिकांनी हळहळ व्यक्त केली आहे.

क्लिक करा आणि वाचा- गौतम अदानी; आशियातील सर्वात श्रीमंत उद्योगपतीभोवती घोंघोवते आहे अडचणींचे वादळ, वाचा अदानींबाबत A to Z