शाहरुख म्हणाला की, त्याचे सिनेमे प्रेमाने प्रदर्शित व्हावेत, अशी त्याची इच्छा आहे. या सर्वांव्यतिरिक्त, पत्रकार परिषदेत अनेक मजेशीर क्षणही होते, जिथे शाहरुखने सर्वांसमोर जॉनला किस केलं, तर दीपिकाला आपले अश्रू रोखता आले नाहीत. पत्रकार परिषदेचे अनेक फोटो आणि व्हिडिओ सोशल मीडियावर व्हायरल होत आहेत.
पत्रकार परिषदेत दीपिकाच्या नावाचा सतत गाजावाजा होत होता. आपल्याला मिळणार हे प्रेम पाहून दीपिका भावूक झाली. चाहत्यांकडून मिळत असलेलं प्रेम आणि पाठिंबा पाहून खूप छान वाटत असल्याचं ती यावेळी म्हणाली.
या पत्रकार परिषदेत चाहत्यांसाठी अनेक खास क्षण होते. यापूर्वी जॉन अब्राहम आणि शाहरुख खान यांच्यात भांडण झाल्याच्या बातम्या आल्या होत्या, पण प्रत्यक्षात मात्र त्यांच्यात किती छान मैत्री आहे हेच दिसून आले. शाहरुख खान हा फक्त एक अभिनेता नसून तो एक भावना असल्याचं जॉनने सांगितले. त्याचवेळी शाहरुखने जॉनच्या गालावर सर्वांसमोर किस केले. हे क्षण कॅमेऱ्यात कैद करण्यासारखे होते.
शाहरुख खान आणि दीपिकाने २००७ मध्ये ‘ओम शांती ओम’ सिनेमात पहिल्यांदा काम केले होते आणि तेव्हापासून त्यांच्यामध्ये खूप चांगले बाँडिंग आहे, जे या पत्रकार परिषदेतही पाहायला मिळाले. इतरांप्रमाणे दीपिकाही शाहरुखला किस करण्यापासून स्वत:ला रोखू शकली नाही आणि ती शाहरुखवर प्रेमाचा वर्षाव करतच राहिली.