VIDEO : पुण्याच्या लोणीत अपघाताचा थरार, दुभाजकावरुन पलटी मारुन कार दुसऱ्या गाडीवर आदळली

पुणे : पुणे – सोलापूर महामार्गावर अपघातांची संख्या वाढू लागली आहे. दर दोन दिवसाला अपघात होत आहे. अशीच एक घटना लोणी काळभोर हद्दीतून समोर आली आहे. सोलापूरच्या दिशेने निघालेली बोलेरो गाडी चालकाचे वाहनावरील नियंत्रण सुटल्याने दुभाजकाला धडकून थेट हवेत उडून दुसऱ्या बाजूने येणाऱ्या चारचाकीवर आदळली. या अपघातात तिघे जण गंभीर जखमी झाले असून गाडीवरील नियंत्रण सुटल्याने हा अपघात झाला आहे.

याबाबत अधिक माहिती अशी की, सोलापूरच्या दिशेने बोलेरो या चारचाकी गाडीतून दोघेजण निघाले होते. याचवेळी लोणी काळभोर ग्रामपंचायत हद्दीतील राजेंद्र पेट्रोल पंपाशेजारी काही अंतर गेल्यावर गाडी वेगात असल्याने चालकाचा गाडीवरील ताबा सुटल्याने गाडी दुभाजकाला धडकली आणि थेट हवेत उडूव दुसऱ्या बाजूने येत पुण्याकडे चाललेल्या चार चाकीवर जाऊन आदळली.

डोळा लागला, नियंत्रण सुटलं, भरधाव कार बसवर आदळली, ४ जणांचा जागीच मृत्यू

दुभाजकाला गाडी धडकल्याने गाडीने तीन पलटी मारत पुण्याच्या बाजूकडे जाणाऱ्या एका चारचाकी गाडीवर जाऊन आदळली. या अपघातात ज्या चारचाकी गाडीवर बोलेरो आदळली त्या चारचाकीच्या चालकाच्या डोक्याला व छातीला गंभीर दुखापत झाली आहे. तसेच बोलेरो गाडीतील दोघांनाही स्थानिकांच्या मदतीने लोणी काळभोर येथील रुग्णालयात दाखल करण्यात आलं आहे. या अपघाताचा व्हिडिओ समोर आला असून अंगावर शहरे आणणारा हा अपघात आहे. या अपघातानंतर घटनास्थळी बघ्यांची एकच गर्दी झाली होती. काही वेळ याठिकाणी वाहनाच्या लांबच लांब रांगा लागल्या होत्या.

अखेर प्रियांकाने दाखवला मुलीचा चेहरा, पाहा कोणासारखी दिसते मालती