काल मध्यरात्री ११ ते १२ च्या सुमारास सुधारगृहाच्या संरक्षण भिंतीला शिडी लावून हे विधी संघर्षित बालक पळवून गेले आहेत. सुधारगृह तोडून खतरनाक विधी संघर्ष बालक पळाल्याने शहरात एकच खळबळ उडाली आहे. पुण्यामध्ये गेल्या काही दिवसांपासून कोयता टोळीने मोठी दहशत माजवली आहे. पोलीस सातत्याने कोयता टोळीवर कारवाई करत असताना पुण्यातील येरवडा कारागृहामध्ये असलेल्या पंडित जवाहरलाल नेहरू बाल सुधारक ग्रहांमध्ये सात विधी संघर्ष बालक पळून गेल्याने मोठी खळबळ उडाली आहे.
हे सातही विधी संघर्ष बालक कोयता टोळीचे सदस्य असल्याचे प्राथमिक माहिती आहे. त्यामुळे शहरांमध्ये पुन्हा कोयता टोळीची दहशत निर्माण होण्याची शक्यता आहे. याबाबत अधिकृत माहिती सुधार ग्रहाच्या प्रशासन करून देण्यात आलेली नसली तरी हे ७ जण रात्री पळून जाण्यात यशस्वी झाले. शिडी लावून बालगृहाच्या खिडकीमधून यांनी पलायन केलं. सातही आरोपींना वेगवेगळ्या गुन्ह्यांमध्ये अटक केले असून बालसुधारगृहांमध्ये ठेवण्यात आले होते. यामुळे त्यांना पकडणं हे पोलिसांपुढे मोठं आव्हान आहे.