ChatGPT फ्री वापरता येणार नाही, मोजावे लागतील इतके पैसे, पाहा डिटेल्स

नवी दिल्ली: Chat GPT Paid Version : आर्टिफिशियल इंटेलिजन्स रिसर्च स्टार्टअप ओपन एआयने गेल्या वर्षी नोव्हेंबरमध्ये एआय चॅटबॉट चॅटजीपीटी लाँच केले. चॅटबॉट सतत चर्चेत आहे. कारण, हे कोणत्याही विषयावर संपूर्ण मजकूर तयार करू शकते. त्यात माणसाप्रमाणे अनेक गोष्टी करण्याची क्षमताही आहे. याचा वापर करून कविता किंवा कथा लिहिता येतात. एका आठवड्यापूर्वी, कंपनीने ओपन-टू-ऑल चॅटबॉटवर कमाई करण्याबद्दल सांगितले होते. आता कंपनीने प्रीमियम व्हर्जनही आणण्यास सुरुवात केली आहे. कंपनीने याला ChatGPT प्रोफेशनल असे नाव दिले आहे.

वाचा: Jio च्या ‘या’ रिचार्जसमोर इतर कंपन्यांचे प्लान्स फेल, डेली डेटासह मिळतात हे फायदे

लोकप्रिय AI चॅटबॉटचे पेड व्हर्जन दरमहा $42 मध्ये उपलब्ध करून देण्यात येत आहे. लिंक्डइन पोस्टच्या माध्यमातून याचा खुलासा करण्यात आला आहे. ChatGPT च्या प्रीमियम आवृत्तीसह युजर्सना अतिरिक्त वैशिष्ट्ये मिळतील. युजर्सना सुधारित उपलब्धता, जलद प्रतिसाद वेळेसह प्राधान्य प्रवेश देखील मिळेल.

वाचा: WhatsApp चे नवीन व्हिडिओ मोड फीचर आहे बेस्ट, युजर्सना असा करा येईल वापर

ChatGPT प्रोफेशनल प्लान युजर्सचा अनुभव अधिक चांगला करेल. प्रायोगिक वैशिष्ट्यांमुळे, वेगवेगळ्या युजर्ससाठी त्याचा अनुभव वेगळा असू शकतो. OpenAI सोबत कोणत्या प्रकारचा करार झाला आहे यावर ते अवलंबून आहे. सध्या ChatGPT प्रोफेशनल सामान्य लोकांसाठी प्रवेशयोग्य असणार नाही. सध्या ही प्रीमियम वैशिष्ट्ये निवडक युजर्ससाठी उपलब्ध करून दिली जात आहेत.

ChatGPT त्याच्या Discord सर्व्हरवर प्रोफेशनल मेंबरशिपसाठी OpenAI वेटलिस्ट लिंक देखील देत आहे. कंपनीने दावा केला आहे की, सशुल्क आवृत्ती देखील उच्च-मागणीत उपलब्ध करून दिली जाईल आणि कोणत्याही ब्लॅकआउट विंडो नसतील. यासह, युजर्सना कमी थ्रॉटलिंग आणि वेगवान प्रतिसाद दर देखील मिळेल. युजर्सना नवीन वैशिष्ट्यांमध्ये प्राधान्य प्रवेश मिळेल आणि प्रीमियमसह अधिक API विनंती मर्यादा मिळेल.

वाचा: Apple एअरपॉड्स प्रो इयरबड्स १००० रुपयांपेक्षा कमीमध्ये खरेदी करण्याची संधी