हे वाचा-महेश मांजरेकरांचं घातलं प्रतीकात्मक श्राद्ध; दिग्दर्शकाविरोधात जोरदार घोषणाबाजी
पठाणमध्ये दिसला टायगरचा जलवा
पठाण सिनेमात सलमान खाननं पाहुण्या कलाकाराची भूमिका केली आहे. सलमाननं केलेल्या या भूमिकेची चर्चा सगळीकडे होत आहे. प्रेक्षकांच्या मते सलमानची भूमिका या सिनेमाचं आकर्षण आहे. अनेकांच्या मते सलमाननं या भूमिकेद्वारे शाहरुखच्या सिनेमाला चार चाँद लावले आहेत. प्रेक्षकांनी जी मतं व्यक्त केली आहेत, त्यात तथ्य देखील आहे. पठाण सिनेमात सलमाननं टायगरच्या रुपात एंट्री घेतली आहे. सलमानची ही दमदार एंट्री पाहून त्याचे चाहते कमालीचे आनंदित झाले आहेत.
हे वाचा-त्याने माझा हात हातात घेतला अन्… शाहरुखची भेट सायली संजीवसाठी ठरलेली खास
पठाण सिनेमानं ५०० कोटी कलेक्शन केल्याच्या निमित्तानं मुंबईत प्रेस कॉन्फरन्स घेण्यात आली. त्यामध्ये सिनेमातील सलमानच्या भूमिकेबद्दल शाहरुख खाननं त्याची प्रतिक्रिया व्यक्त केली आहे. शाहरुखचा हा व्हिडिओ सोशल मीडियावर खूपच व्हायरल झाला आहे. त्या व्हिडिओमध्ये शाहरुख पठाणमध्ये सलमाननं साकारलेल्या भूमिकेबद्दल त्याचे आभार मानताना दिसत आहे. शाहरुख म्हणतो की, ‘आजच्या या कार्यक्रमात एक व्यक्ती नाही. त्याच्यावर आपण सर्वचजण भरभरून प्रेम करतो. भाई इथं नाही. परंतु सलमान थँक्यू सो मच हा सिनेमा इतका शानदार करण्यासाठी. पठाण सिनेमात त्याचा एक डायलॉग आहे, त्या तो म्हणतो की ‘पेन किलर आहे च्युइंगम नाही…’ त्याची भूमिका खरोखरच दमदार आहे.’
पठाणमध्ये सलमान आकर्षणाचा केंद्रबिंदू
शाहरुख खानच्या पठाण सिनेमात सलमान खाननं २० मिनिटांसाठी पाहुण्या कलाकाराची भूमिका साकारली आहे. या वेळेत सलमान आणि शाहरुखनं मोठ्या पडद्यावर धम्माल उडवून दिली आहे. पठाण सिनेमात सलमान त्याच्या आगामी ‘टायगर ३’ मधील रूपात दिसला आहे.