काय आहे श्रेयाची पोस्ट
चला हवा येऊ द्या कार्यक्रमामुळे श्रेया बुगडे घराघरात लोकप्रिय झाली आहे. श्रेयाला शाहरुख खान किती आवडतो हे तर सर्वश्रुत आहे. चला हवा येऊ द्या कार्यक्रमात जेव्हा शाहरुख सहभागी झाला होता, तेव्हा देखील ती त्याची किती मोठी चाहती आहे, हे तिनं दाखवून दिलं होतं. त्यामुळे शाहरुख खानचा पठाण सिनेमा प्रदर्शित झाल्यानंतर श्रेया तो सिनेमा बघायला गेली. सिनेमागृहात गेल्यानंतर श्रेयानं तिथं असलेल्या शाहरुख खानच्या पोस्टरला किस करतानाचा फोटो काढला. हा फोटो श्रेयानं तिच्या सोशल मीडियावर शेअर केला. हा फोटो शेअर करताना तिनं फक्त ‘तू फक्त माझच…’ असं लिहिलं आहे.
शाहरुख खाननं चार वर्षानंतर पठाण सिनेमातून पुन्हा एकदा मोठ्या पडद्यावर जबरदस्त कमबॅक केलं आहे.. शाहरुखच्या चाहत्यांनी त्याला भरभरून प्रतिसाद दिला आहे. त्यामुळे पठाण सिनेमानं बॉक्स ऑफिसवर विक्रम रचला आहे. पठाण सिनेमातील बेशरम रंग गाण्यावरून मोठा वाद निर्माण झाला होता. या गाण्यामध्ये दीपिकानं भगव्या रंगाची बिकिनी घातल्यामुळे हिंदू धर्माचा अवमान झाल्याचं सांगत हिंदुत्ववादी संघटनांनी त्याला विरोध दर्शवला. इतकंच नाही तर पठाण आणि शाहरुख खानवर बहिष्कार घालण्याची मागणी करण्यात आली होती. देशभरात सिनेमाविरोधात ठिकठिकाणी निदर्शनही झाली होती. त्यामुळे सिनेमावर प्रश्नचिन्ह उमटलं होतं. परंतु सिनेमा प्रदर्शित झाला आणि त्याला देशा-विदेशातील शाहरुखच्या चाहत्यांनी अभूतपूर्व प्रतिसाद सिनेमाला दिला आहे.
‘पठाण’ सिनेमात शाहरुखसह दीपिका पादुकोण, जॉन अब्राहम, आशुतोष राणा आणि डिंपल कपाडिया यांच्याही महत्त्वाच्या भूमिका आहेत. तसेच सिनेमात सलमान खान पाहुणा कलाकार म्हणून झळकला आहे.