रिटायरमेंटला अवघे दोन तास असातना प्रमोशन, कृषी विभागाचा अजब कारभार चव्हाट्यावर

वाशिम : महाराष्ट्र सरकारच्या कृषी विभागाचा अजब कारभार समोर आला आहे. ३१ जानेवारी २०२३ रोजी सेवानिवृत्त होणाऱ्या अधिकाऱ्याला आपल्या सेवेच्या शेवटच्या दिवशी पदोन्नती देण्यात आली आहे. ती ही अवघ्या दोन तासांसाठी देण्यात आली. पुण्यात कृषी उपयुक्त म्हणून कार्यरत असलेले शिरीशकुमार विठ्ठल जाधव हे ३१ जानेवारी रोजी सेवानिवृत्त झाले आहेत. मात्र त्यांना निवृत्तीच्या शेवटच्या दिवशी वरिष्ठ कृषिमूल्य साखळी तज्ज्ञ या पदावर पदोन्नती देण्यात आली. हे पदोन्नतीचे पत्र त्यांना सायंकाळी ४ वाजता देण्यात आले व तात्काळ पदभार स्वीकारण्याच्या सूचना देण्यात आल्या. त्यामुळे त्यांची ही दोन तासांनी पदोन्नती कृषी विभागात चांगलाच चर्चेचा विषय बनली आहे.

शिरीशकुमार जाधव यांना पुण्यातच नियुक्ती देण्यात आली. त्यामुळं त्यांनी पदभार स्वीकारला. दुसऱ्या ठिकाणी दिली असती तर त्यांच्या सेवेच्या शेवटच्या दोन तासात त्यांना पदभारही स्वीकारता आला नसता. सूत्रांनी दिलेल्या माहिती नुसार या आधीही ३१ डिसेंबर २०२२ रोजी अश्याच पद्धतीने सेवेच्या शेवटच्या दिवशी दोन अधिकाऱ्यांना पदोन्नती देण्यात आली होती.

मोठी बातमी: सीएनजी गॅसच्या दरात घसरण, मुंबईत मध्यरात्रीपासून नवे दर लागू

वास्तविक पदोन्नतीच्या प्रतीक्षेत असलेल्या ८१ अधिकाऱ्यांची एक यादी मागील अनेक दिवसांपासून मंत्रालयात धूळखात पडलेली आहे. मात्र, आर्थिक देवाणघेवाण होत नसल्याने या यादीतील अधिकाऱ्यांना पदोन्नती दिली जात नासल्याची खात्रीलायक सूत्रांची माहिती आहे. या यादीतील अनेक वरिष्ठ अधिकाऱ्यांचे सेवा निवृत्तीसाठी मोजकेच दिवस शिल्लक असल्याने ते आर्थिक देवाणघेवाण करण्यास इच्छुक नसतात. त्यामुळं अशा अधिकाऱ्यांना औपचारिकता म्हणून सेवेच्या शेवटच्या दिवशी पदोन्नती दिली जात आहे.

राज ठाकरे-सुधीर मुनगंटीवार आमनेसामने, विचारपूस करत खेळीमेळीने साधला संवाद

अशा प्रकारे होणाऱ्या पदोन्नतीचा फायदा ना कृषी विभागाला होतोय ना त्या अधिकाऱ्याला त्यामुळे कृषी विभागाच्या वरीष्ठ अधिकाऱ्यांमध्ये नाराजी असल्याचे बोलले जात आहे. कृषी मंत्रालयात पडून असलेल्या त्या यादीवरील अखेर कुणाच्या खपामर्जीने धुळीचे थर चढवले जात आहेत हे शोधणे गरजेचे आहे, अशा चर्चा सुरु झाल्या आहेत.

ऊसतोड दाम्पत्य एका रील्समुळे रातोरात स्टार, पण प्रसिद्धी संकटं घेऊन आली, वाचा काय घडलं?