Airtel यूजर्सची मजा, आता प्रीपेड प्लान्समध्ये मिळणार पूर्वीपेक्षा अधिक वैधता

नवी दिल्ली: Prepaid Plans: टेलिकॉम यूजर्ससाठी एक चांगली बातमी आहे. रिपोर्टनुसार, एअरटेलने आपल्या ३५९ रुपयांच्या प्लानची वैधता वाढवली आहे. दररोज 2GB डेटा ऑफर करणारा हा प्लान २८ दिवसांच्या वैधतेसह येत होता. आता कंपनी या प्लानसोबत एक महिन्याची वैधता देत आहे. या प्लानमध्ये युजर्सना दररोज १०० मोफत एसएमएस आणि अमर्यादित कॉलिंगही मिळते. प्लानमध्ये अनेक अतिरिक्त फायदेही दिले जात आहेत. यामध्ये X stream अॅपसह विंक म्युझिकची मोफत सदस्यता देखील समाविष्ट आहे. प्लानच्या सदस्यांना FASTag वर १०० रुपयांचा कॅशबॅक देखील दिला जात आहे.

वाचा: अखेर Samsung Galaxy S23 Series च्या जबरदस्त स्मार्टफोन्सची एंट्री, फीचर्स दमदार ,पाहा किंमत

३१९ रुपयांच्या प्लानमध्येही एक महिन्याची वैधता:

एअरटेलचा हा प्लान एका महिन्याच्या वैधतेसह येतो. यामध्ये तुम्हाला इंटरनेट वापरण्यासाठी दररोज २ जीबी डेटा मिळेल. यामध्ये दररोज १०० मोफत एसएमएस, देशभरातील नेटवर्कवर अमर्यादित कॉलिंग देखील दिले जात आहे. प्लानच्या सदस्यांना हेलोट्यून्स आणि विंक म्युझिकचा विनामूल्य प्रवेश देखील मिळतो. यासोबतच कंपनी या प्लॅनमध्ये तीन महिन्यांसाठी अपोलो सर्कलची मोफत सेवाही देत आहे. प्लॅनचे सदस्यत्व घेणाऱ्या युजर्सना कंपनी FASTag वर १०० रुपयांचा कॅशबॅक देखील देत आहे.

वाचा: Bluetooth डिव्हाइसशी कनेक्ट होत नसेल तर बदला ‘या’ सेटिंग्स

२९६ रुपयांच्या प्लॅनमध्ये ३० दिवसांची वैधता

एअरटेलचा हा प्लान ३० दिवसांच्या वैधतेसह येतो. यामध्ये कंपनी इंटरनेट वापरासाठी एकूण २५ जीबी डेटा देत आहे. हा डेटा कोणत्याही दैनिक मर्यादेशिवाय येतो. तुम्ही इच्छित असल्यास, तुम्ही एका दिवसात २५ GB डेटा देखील खर्च करू शकता. प्लानमध्ये तुम्हाला दररोज १०० मोफत एसएमएस आणि अमर्यादित कॉलिंग देखील मिळेल. उर्वरित प्लान्सप्रमाणे, कंपनी विंक म्युझिकमध्ये विनामूल्य प्रवेश देखील देत आहे. या प्लॅनच्या ग्राहकांना FASTag वर १०० रुपयांचा कॅशबॅक देखील मिळेल.

वाचा: Budget 2023: AI साठी तीन नवीन सेंटर सुरू होणार, 5G विकासाबाबत देखील महत्वाची घोषणा