Nashik graduates constituency election result | आज संपूर्ण महाराष्ट्रातील राजकीय वर्तुळाचे लक्ष नाशिक पदवीधर मतदारसंघाच्या निकालाकडे लागले आहे. काँग्रेसकडून निलंबन केलेले सत्यजीत तांबे आणि मविआच्या उमेदवार शुभांगी पाटील यांच्यात कोण विजयी होणार, याकडे महाराष्ट्राचे लक्ष लागून राहिले आहे. शुभांगी पाटील यांनी शिर्डीत जाऊन साईबाबांचे दर्शन घेतले. यानंतर शुभांगी पाटील यांनी विजयाचा विश्वास व्यक्त केला.
हायलाइट्स:
- मतदान केंद्रावर २८ टेबलांवर मतमोजणी होत आहे
- नाशिक पदवीधर मतदारसंघात मोठ्याप्रमाणावर मतं बाद ठरली आहेत
नाशिक पदवीधर मतदार संघाच्या निवडणुकीची आज मतमोजणी होत आहे. महाविकास आघाडीने पाठिंबा दिलेल्या उमेदवार शुभांगी पाटील यांनी गुरुवारी सकाळी त्रंबकेश्वर येथे दर्शन घेतल्यानंतर शिर्डीत साई दरबारी हजेरी लावली. यावेळी प्रसारमाध्यमांशी बोलताना त्या म्हणाल्या की, साईबाबांच्या दर्शनाने आत्मिक समाधान मिळाले. जनतेचा विजय होण्यासाठी बाबांना साकडं घातलं आहे. आचारसंहिता असताना बॅनरबाजी बाबत बोलताना पाटील म्हणाल्या नंतर बॅनर काढण्याची वेळ येईल. निवडणुकीची आचारसंहिता असताना सत्यजीत तांबे यांच्या समर्थकांनी बॅनर्स लावले. राज्यात कायदा-सुव्यवस्था आहे की नाही? आम्ही काहीही करु शकतो, हे या बॅनर्सच्या माध्यमातून दाखवण्याचा प्रयत्न होत आहे. मला कोणीच रोखू शकत नाही, असे तुम्हाला वाटते. पण माझा विजय झाल्यानंतर सत्यजीत तांबे यांना हे बॅनर्स उतरवण्याची वेळ येईल, असे शुभांगी पाटील यांनी म्हटले.
पुण्यात सत्यजीत तांबेंच्या विजयाचे बॅनर्स
पुण्यातल्या बाणेर परिसरात सत्यजीत तांबे यांच्या विजयाचे बॅनर झळकले आहेत. शिवसेनेचे दिवंगत माजी आमदार विनायक निम्हण यांचे सुपुत्र सनी निम्हण यांनी हे बॅनर्स लावले आहेत. नी निम्हण यांनी २०१९ मध्ये भारतीय जनता पार्टी मध्ये प्रवेश केला होता. जवळचे मित्र म्हणून आज त्यांनी सत्यजीत तांबेंचे बॅनर्स पुण्यात लावले आहेत.सत्यजीत तांबे यांनी अलीकडेच मी मोठ्या मताधिक्याने विजयी होईन, मला जिंकण्याची चिंता नाही, असे वक्तव्य केले होते. मात्र, आता प्रत्यक्ष निकाल लागल्यानंतर काय चित्र असेल, याकडे सर्वांच्या नजरा लागल्या आहेत. नाशिकमध्ये पहिल्या फेरीची मतमोजणी पूर्ण होत आली आहे. यामध्ये सत्यजीत तांबे हे ८००० मतांनी आघाडी घेतील, अशी शक्यता आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.