इच्छेविरुद्ध लग्न, पत्नीने प्रियकरासाठी दुप्पट वयाच्या पतीला संपवले, पतीच्याच मोबाइलवर…

एटा (उत्तर प्रदेश) : एका अल्पवयीन मुलीचा विवाह १७ वर्षे मोठा असलेल्या पुरुषाशी तिच्या मर्जीविरुद्ध लावल्यानंतर नाखुश असलेल्या या पत्नीने पतीलाच संपविण्याचे पाऊल उचलले. ही घटना उत्तर प्रदेशातील एटा येथे घडली. या लग्नाला एक महिनाही झाला नव्हता. दोघांमध्ये वाद होऊन त्याच पर्यवसन हाणामारीत होऊ लागलं. पती तिला घराबाहेरही पडू देत नव्हता. एके दिवशी या अल्पवयीन पत्नीने संधी साधून घराबाहेर पडून झोपेच्या गोळ्या आणल्या. नंतर या गोळ्या जेवणात मिसळून तिने पतीसह संपूर्ण कुटुंबाला बेशुद्ध केले. यानंतर आपल्या ओढनीने पतीचा गळा आवळून त्याचा खून केला. यानंतर पत्नीने पतीचा मृतदेह डिझेल ओतून जाळल्याचे पोलिसांचे म्हणणे आहे. या प्रकरणी पोलिसांनी या अल्पवयीन आरोपी पत्नीला अटक केली आहे.

एटा पोलीस ठाण्याच्या मलावन भागातील निगोह हसनपूर गावात बुधवारी रात्री झालेल्या हत्येचा उलगडा करताना पोलिसांनी ही माहिती दिली. पोलिसांनी दिलेल्या माहितीनुसार, पतीला गुंगीचे औषध दिल्यानंतर पत्नीनेच त्याचा गळा दाबून खून केला. नंतर डिझेल शिंपडून आग लावण्यात आली. पत्नी पतीपेक्षा १७ वर्षांनी लहान होती. घरच्यांनी तिच्या संमतीविरुद्ध लग्न लावले होते. ती लग्नात नाखूष होती, तिचे एका तरुणावर प्रेमही होते. पोलिसांनी शुक्रवारी या प्रकरणाचा उलगडा करत पत्नीला तुरुंगात पाठवले.

क्लिक करा आणि वाचा- पुण्यातील येरवडा कारागृहात कैदी पिसाळला; मोक्कातील आरोपी नाना गायकवाडवर लोखंडी पत्र्याने हल्ला, चेहऱ्यावर झाला वार

एटाचे वरिष्ठ पोलीस अधीक्षक उदय शंकर सिंह यांनी दिलेल्या माहितीनुसार, दुष्यंत चौहान (३४) असे मृत पतीचे नाव असून दुष्यंत यांची त्यांच्या पत्नीने जिल्ह्यातील निगोह हसनपूर गावात हत्या केली. ही तरुणी खरसुलिया पोलीस ठाण्याच्या हद्दीत येत असलेल्या नया गावची रहिवासी होती. दुष्यंतने २३ जानेवारीलाच तिच्याशी दुसरे लग्न केले. दुष्यंतचे मामा आनंदपाल सिंग यांनी या आरोपी मुलीविरुद्ध खुनाचा गुन्हा दाखल केला आहे. पोलिसांनी शुक्रवारी सकाळी तरुणीला अटक केली. त्याच्याकडून घटनास्थळावरून प्लास्टिकचे डिझेल किट, औषधांचे रॅपर जप्त करण्यात आले आहेत.

क्लिक करा आणि वाचा- मलाही हवा जातीचा दाखला, टॉमी नावाच्या कुत्र्याने आधारकार्डसह केला अर्ज, अधिकारी भडकले आणि…

वरिष्ठ पोलीस अधीक्षक सिंह दिलेल्या माहितीनुसार, मुलीच्या वडिलांचा मृत्यू झाला आहे. मात्र कुटुंबाशी संबंधित तिचे चुलत भाऊ, बाबा दिनेश राठोड आणि रणजीत चौहान यांनी पैसे घेऊन तिचs इच्छेविरुद्ध लग्न केले. मुलीने लग्नाला असहमती दर्शवली. दोघांच्या वयात १७ वर्षांचा फरक होता. महिलेने आपल्या पतीला आपल्या मार्गातून बाजूल काढण्यासाठी ही योजना आखली होती, असे पोलिसांनी माहिती देताना सांगितले.

क्लिक करा आणि वाचा- तुमच्या शेतात सोनं आहे; काढून देण्यासाठी घेतले १ लाख रुपये, जमिनीतून पितळी तांब्या निघाला आणि…

तिने पतीच्या मोबाईलवर गुगल सर्च करून झोपेच्या औषधाची माहिती मिळवली आणि ३१ जानेवारी रोजी औषध घेण्याच्या बहाण्याने सासूसोबत बाजारात गेली. त्याने झोपेच्या गोळ्या विकत घेतल्या. प्रत्येकी एक झोपेची गोळी सासूसह कुटुंबातील इतर सदस्यांच्या जेवणात मिसळल्या. तर पती दुष्यंतच्या जेवणात ६ गोळ्या घालण्यात आल्या. दुष्यंत गाढ झोपेत असताना रात्री अकराच्या सुमारास तिने आपल्या ओढणीने पतीचा गळा आवळून खून केला. त्यानंतर घरात ठेवलेल्या डब्यातून डिझेल ओतून पतीला पेटवूनही दिले.