कलर्सने शेअर केलेल्या नव्या प्रोमोमध्ये करण जोहर शोचं सूत्रसंचालन करताना दिसतोय. बिग बॉसच्या शेवटच्या आठवड्यात एक स्पर्धक बाहेर जाईल, आता या व्हिडिओवरुन असे दिसते की शिवला बाहेरचा रस्ता दाखवण्यात आला.
हे वाचा-परत येतायंत जय-आदिती अन् जान्हवी-श्री! झी मराठीवर दाखवणार जुन्या मालिका
काय आहे व्हिडिओ?
कलर्सने शेअर केलेल्या व्हिडिओमध्ये करण तावातावाने शिवशी बोलत आहे. बिग बॉसमधील ‘मंडली’ अर्थात शिव, निम्रित, एमसी स्टॅन आणि, सुंबूलविषयी तो भाष्य करतो. मंडली एका कोणत्यातरी सदस्यामुळे तुटणार असे करणचे म्हणणे आहे. यावेळी निम्रित मध्येच थांबवून म्हणते की मंडली कधीच तुटणार नाही. यावर करण असे म्हणतो की एका सदस्याला घराबाहेर जावं लागणार हे नक्की!
हे वाचा-लॉकडाऊनमध्ये लुडो खेळताना मिळाला आयुष्यभराचा जोडीदार; वनिता खरात-सुमितची हटके लव्ह स्टोरी
यानंतर करण शिवकडे बघतो आणि त्याला सांगतो की तुला कमी वोट्स आहेत, घराबाहेर जावं लागेल. त्यानंतर शिवच्या डोळ्यात पाणी आलेलं दाखवलं आहे आणि तो घराबाहेर जाण्याच्या गेटकडे जातानाही दिसतो. आता नेमकं करण शिवलाच घराबाहेर जायला सांगतो का हे आगामी एपिसोडमधून समजेल. शिवाय शिवला घराबाहेर काढण्यात आलंय, असं भासवणारा प्रोमो मुद्दाम तयार केला आहे का हेही एपिसोडमध्ये स्पष्ट होईल.
चाहत्यांच्या गळ्यातील ताईत बनला आहे शिव
दरम्यान शिव घराबाहेर जाणार नाही अशा आशयाच्या प्रतिक्रिया चाहते करत आहेत. ‘शिव नाही तर अंतिम भाग कसा होईल’, ‘शिव जाऊच शकत नाही, तो विजेता आहे’, ‘सुंबूलपेक्षा शिव मजबूत स्पर्धक आहे’, ‘टीआरपीसाठी फेक नॉमिनेशन दाखवलं जातंय’ अशा कमेंट करत शिवसाठी त्याच्या चाहत्यांनी त्याला पाठिंबा दिला आहे. शिव बाहेर गेल्यास शो बघणं बंद करणार अशा कमेंट्सही करत काहींनी संताप व्यक्त केला.