अभिनेता सिद्धार्थ मल्होत्रा आणि कियारा अडवाणी ६ फेब्रुवारी रोजी विवाहबंधनात अडकतील असं म्हटलं जातं होतं. परंतु आता दोघांच्या लग्नाची खरी तारीख समोर आली आहे. हे दोघं ७ तारखेला सात फेरे घेणार आहेत.
या लग्नासाठी त्यांच्या जवळचे कुटुंबीय आणि मित्रपरिवार सामिल होणार आहेत. या दोघांच्या लग्नासाठी शाहिद कपूर, मीरा राजपूत, मनिष मल्होत्रा, करण जौहर यांना आमंत्रित करण्यात आलं आहे.
मिळालेल्या माहितीनुसार, सिद्धार्थ आणि कियारा जैसरलमेरमधील सूर्यगड पॅलेसमध्ये लग्न करणार आहेत. या लग्नासाठी १०० ते १२५ पाहुणेच आणि नातलग उपस्थित असतील. या पाहुण्यांच्या यादीमध्ये बॉलिवूडमधील दिग्गजांची नाव असण्याची शक्यता आहे. अमिताभ बच्चन, करण जोहर, शाहरुख खान आणि वरुण धवन या लग्नाला उपस्थित राहतील अशी माहिती रिपोर्टमध्ये दिली आहे.
कारगिल युद्धातील हिरो कॅप्टन विक्रम बत्रा यांच्या आयुष्यावर आधारीत असलेल्या शेरशहा सिनेमाच्या सेटवर सिद्धार्थ आणि कियारा यांची भेट झाली. सुरुवातील दोघं एकमेकांचे चांगले मित्र झाले आणि हळूहळू त्यांच्यात प्रेमाचं नातं निर्माण झालं. या सिनेमापासून दोघंजण रिलेशनमध्ये आहेत. त्यानंतर सातत्यानं जाहीर कार्यक्रमांना, पार्टींज ना एकत्र दिसले. दोघांनीही त्यांच्या नात्याबद्दल कधीही जाहीर वाच्यता केली नाही. मध्यंतरी दोघांच्या नात्यामध्ये तणाव निर्माण झाला होता. परंतु करण जोहरनं केलेल्या मध्यस्थीमुळे दोघांमध्ये पॅचअप झाले आणि पुन्हा ते रिलेशनमध्ये आले.