बीड: भाऊजयीचे आंघोळ करतानाचे व्हिडिओ आणि फोटो व्हायरल करण्याची धमकी देऊन सख्या दीराने भाऊजयीला ब्लॅकमेल करत अनेकवेळा बलात्कार केल्याची घटना समोर आली आहे. हा नराधम दीर एवढ्यावरच थांबला नाही, तर त्याने या कृत्यात मावस भावालाही सहभागी करून घेतले. या दोघांनी पीडितेवर अनेकदा बलात्कार केल्याचा प्रकार बीडमध्ये घडला आहे. या घटनेमुळे जिल्ह्यात एकच खळबळ उडाली आहे.

पोलिसांनी दिलेल्या माहितीनुसार, आपली २४ वर्षीय भाऊजय ही आंघोळ करताना सख्या दीराने अश्लील म्हणजेच तिचे नग्न फोटो आणि व्हिडिओ काढून तिला ब्लॅकमेल करण्याचा प्रयत्न केला. यामध्ये त्यांनी ही घटना आपल्या नवरा आणि सासूला सांगितल्यानंतर याविषयी त्या दोघांनीही, ‘आमचा मुलगा असा नाही तू आमच्या मुलाला बदनाम करायचा प्रयत्न करत आहेस’, असे म्हणत त्यांनी या प्रकारावर पांघरूण टाकण्याचा प्रयत्न केला. त्यामुळे दीराची हिंमत आणखी वाढली. तुझे फोटो सोशल मीडियावर व्हायरल करेन, अशी धमकी त्याने पीडितेला दिली. या दबावाला बळी पाडून दीराने वहिनीवर अनेकदा बलात्कार केला. तो एवढ्यावरच थांबला नाही. काही दिवसांनी त्याने आपल्या मावसभावाला बोलावले.
Pune News : नोकरीच्या आमिषाने लॉजवर बोलावलं, पुण्यात विवाहितेवर तिघांकडून अत्याचार
‘हा माझ्यासाठी खूप काही करतो, पैसा देतो गाडी देतो, याच्यासंग तुला ते करावाच लागेल नाहीतर तुझे व्हिडिओ ही सोशल मीडियावर मी व्हायरल करेन’ अशी धमकी दीराने दिली. त्यामुळे संबंधित महिलेला नाईलाजाने मावस दीरासोबतही शरीरसंबंध ठेवावे लागले. अनेक दिवस हा प्रकार सुरु होता. अखेर एक दिवस पीडितेच्या संयमाचा बांध तुटला आणि तिने तडक आपले माहेर गाठले. यानंतर आपल्या आईसोबत गेवराई पोलीस ठाण्यात जाऊन पीडितेने झालेल्या प्रकाराबद्दल तक्रार नोंदवली.
पुण्यातील धक्कादायक प्रकार उघड; सीएकडून सलग तीन वर्षे महिलेवर अत्याचार, व्हिडिओही काढला
पोलीस प्रशासनाने तात्काळ सख्या दीरासह मावसदिरावर 376 (2) 323,506 नुसार गुन्हा दाखल केला. या घटनेने गेवराई तालुक्यात खळबळ उडाली आहे. याप्रकरणात पीडितेच्या कुटुंबीयांनी तिच्या पाठिशी उभे राहणे आवश्यक होते. मात्र, पीडितेचा नवरा आणि सासूने तिचे म्हणणे ऐकून न घेतला तिलाच आरोपीच्या पिंजऱ्यात उभे केले. नवरा आणि सासूने वेळीच यामध्ये हस्तक्षेप केला असता तर हा अनैतिक प्रकार घडलाच नसता अशी कुजबूज गेवराई तालुक्यात सुरु आहे. सध्या गेवराई पोलिसांकडून याप्रकरणाचा पुढील तपास सुरु असून आता संबंधित आरोपींवर काय कारवाई होणार, हे पाहावे लागेल.