एचपीसीएलमध्ये ग्रॅज्युएट आणि टेक्निशियन अप्रेंटिसची भरती केली जाणार आहे. त्याद्वारे एकूण ११६ पदे भरण्यात येत आहेत. या पदांसाठी अर्ज प्रक्रिया ऑनलाइन पद्धतीने केली जात आहे.
अर्ज करण्यासाठी उमेदवाराला अधिकृत वेबसाइट portal.mhrdnats.gov.in वर जावे लागेल. या पदभरती अंतर्गत एकूण पदांपैकी पदवीधर शिकाऊ उमेदवाराच्या ८६ पदे आणि तंत्रज्ञ शिकाऊ उमेदवाराच्या ३० पदांचा समावेश आहे.
कोण करू शकतो अर्ज ?
संबंधित क्षेत्रातील इंजिनीअरिंग पदवी असलेले अर्जदार पदवीधर शिकाऊ पदांसाठी अर्ज करू शकतात. त्याच तंत्रज्ञ शिकाऊ पदांसाठी, संबंधित क्षेत्रातील डिप्लोमा असलेले उमेदवार अर्ज करण्यास पात्र आहेत. या पदासाठी अर्ज करणाऱ्या उमेदवारांचे वय १८ आणि २५ वर्षांदरम्यान असावे.
पदवीधर प्रशिक्षणार्थी पदावर निवडलेल्या उमेदवारांना दरमहा २५ हजार प्रति महिना स्टायपेंड दिले जाईल. तर डिप्लोमा अप्रेंटिस पदांसाठी दरमहा १५ हजार स्टायपेंड दिले जाणार आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
या पदांसाठी उमेदवारांची निवड मुलाखतीद्वारे केली जाणार आहे. फेब्रुवारी महिन्यातच याचे आयोजन केले जाईल. १२ फेब्रुवारी ही अर्ज करण्याची शेवटची तारीख आहे.
पदभरतीचा तपशील जाणून घेण्यासाठी येथे क्लिक करा