विकृतीचा कहर! राखी सावंतच्या भावानेच दाखवले बहिणीवरचे अत्याचार, मेडिकल रिपोर्टने उघडलं सत्य

राखी सावंत आणि आदिल खान दुर्रानी यांच्यातील वाद आता विकोपाला गेला आहे. अलीकडेच राखीने आदिलवर एका मुलीसाठी तिला सोडल्याचा आरोप केला. नंतर राखीने त्या मुलीचा चेहराही सर्वांना दाखवला. मात्र, या सगळ्यानंतर राखीने आदिल तिच्याकडे परतला असून मीडियासमोर त्याच्याविरोधात काहीही बोलायचं नसल्याचं सांगितलं होतं. यानंतर राखीने पुन्हा आदिलवर आरोप करत त्याने विश्वासघात केल्याचं म्हटलं होतं. ​​​आदिलने त्या मुलीशी तीन वर्षांपूर्वी लग्न केलं असून त्याने अभिनेत्रीची फसवणूक केल्याचं सांगितलं. मात्र, त्यानंतरही राखी आणि आदिलचा एक व्हिडिओ समोर आला होता ज्यामध्ये आदिल एका रेस्टॉरंटमध्ये राखीला स्वत:च्या हाताने जेवण भरवताना दिसला. हे कमी की काय आता राखीने आदिलवर मारहाण केल्याचा आणि तिच्या पैशांची आणि दागिन्यांचा गैरव्यवहार केल्याचा आरोप केला आहे. राखीच्या भावानेही तिच्यासोबत झालेल्या मारहाणीचे पुरावे दाखवले.

बहिणीसाठी मीडियासमोर आला राखीचा भाऊ

राखीच्या भावानेही तिच्यासोबत झालेल्या मारहाणीचे पुरावे दाखवले. राखी सावंतचा भाऊ राकेश सावंत आणि मित्र वाहिद खान यांनीही अभिनेत्रीसोबत झालेल्या मारहाणीचे पुरावे आणि वैद्यकीय अहवाल दाखवले आहेत, ज्यातून आदिल तिच्यावर अत्याचार करायचा हे स्पष्ट झालं. वाहिद खान म्हणाला की, ‘आदिल राखीला मारायचा का या प्रश्नाचं उत्तर मी आज देतोय आता तुम्हाला असे काही फोटो आणि वैद्यकीय अहवाल दाखवणार आहे ज्यावरून सिद्ध होईल की आदिल राखीला किती वाईट पद्धतीने मारायचा.

राखीसोबत झालेल्या मारहाणीचे पुरावे भावाने आणि मित्राने दाखवले

वाहिद पुढे म्हणतो की, ‘हे पाहून तुम्हाला कळेल की आदिल एका महिलेशी किती वाईट पद्धतीने वागायचा. फोटो पाहून मला आश्चर्य वाटले. ही तर सुरुवात आहे, तुम्हाला वाटू शकतं की हाताला दुखापत होणं ही किरकोळ गोष्ट आहे.’ यानंतर वाहिद छातीवर झालेल्या दुखापतीचे फोटोही दाखवतो. तो म्हणाला की, ‘ज्या रात्री राखीच्या आईचं निधन झालं त्याच रात्री त्याने राखीला मारले होते.’

डॉक्टर म्हणाले राखीला क्रूरपणे मारण्यात आले

राखीच्या भावाने यावेळी अभिनेत्रीचा वैद्यकीय अहवाल दाखवला. तिची जखम पाहून डॉक्टरांनी तिला निर्दयीपणे मारण्यात आल्याचं सांगितलं. अशाप्रकारे प्राण्यालाही मारले जात नाही असेही डॉक्टर म्हणाल्याचं भावाने सांगितलं. यावर वाहिद म्हणाला की, जे हे सगळं पाहून हसत आहेत आणि तिला ड्रामा क्वीन म्हणत आहेत, त्यांना मी हे दाखवून प्रश्न विचारू इच्छितो की ते आपल्या आई-बहिणींसोबत जर असं झालं तर ते सहन करतील का?

आदिलविरुद्ध विविध कलमांतर्गत गुन्हा दाखल

राखी सावंत गेल्या काही दिवसांपासून आदिलवर अनेक गंभीर आरोप करत आहे. राखीने आदिलविरोधात मुंबईतील ओशिवरा पोलीस ठाण्यात मारहाणीचा आरोप करत तक्रार दाखल केली आहे. ओशिवरा पोलीस ठाण्यात आयपीसी कलम ४०६- ४२० व्यतिरिक्त ५०६, ५१३ आणि ३२३ अंतर्गत गुन्हा दाखल करण्यात आला आहे. आदिलचा फोन पोलिसांनी जप्त केला असून याप्रकरणी त्याची चौकशी सुरू असल्याचे बोलले जात आहे.

​राखीने आईच्या मृत्यूसाठी आदिलला धरले जबाबदार

राखीने आईच्या मृत्यूला आदिल जबाबदार असल्याचे सांगितले. राखी म्हणाली की, ‘तू माझ्या आईला मारले आहेस. तिच्यावर वेळीच उपचार झाले असते तर आज ती जिवंत असती. तू तुझ्या बायकोला गरीब केलंस, रस्त्यावर आणलं. माझी आई हॉस्पिटलमध्ये होती, बँकेत पैसे असूनही आदिलने माझ्या आईच्या उपचारासाठी पैसे दिले नाहीत. तिच्या मृत्यूला आदिल जबाबदार आहे. माझ्या आईवर छोटीशी शस्त्रक्रिया करावी लागली होती, तेव्हा त्याने वेळीच पैसे दिले असते तर हा प्रकार घडला नसता. तो माझा पैसा होता, तो भिकारी आहे त्याच्याकडे काहीच नाही.’