कसबा पेठ मतदारसंघाच्या पोटनिवडणुकीसंदर्भात माझे जवळचे मित्र गणेश बिडकर आणि धीरज घाटे यांना उमेदवारी दिली नाही म्हणून नाराज न होता ते दोन्ही कार्यकर्ते निवडणुकीसाठी जीव ओतून काम करत आहेत. मला अशा पक्षाचा अभिमान आहे. जिथे नाना पटोले आणि बाळासाहेब थोरतांसारखी वर्तणूक होत नाही, असं म्हणत मुनगंटीवार यांनी काँग्रेसला चिमटा काढला.
Praful Patel: प्रफुल्ल पटेल यांना ईडीचा धक्का, १०० कोटींची मालमत्ता जप्त होणार
सुधीर मुनगंटीवार म्हणाले की, मला या कार्यकर्त्यांचा अभिमान वाटतो माझ्यासाठी हा आनंदाचं क्षण आहे. माझ्या सारख्या कार्यकर्त्याला असंच वाटत की ,या जन्मी मला भाजपचा झेंडा हाती दिला देवा मला पुढच्या जन्म द्यायचा असेल तर हाती भाजपचाच झेंडा दे. जिथे एवढे प्रेमळ कार्यकर्ते आहे, त्यांना तिकीट दिली नाही तर तसुभर ही अन्यायाची भावना व्यक्त करत नाहीत, असं मुनगंटीवार म्हणाले.
कसबा पोटनिवडणूक बिनविरोध करण्यासंदर्भात भाजपचे प्रयत्न अजून सुरू आहेत का ? असा प्रश्न त्याना विचारला असता मुनगंटीवार म्हणाले की, पोटनिवडणुकीत अशी गरज नाही आहे की त्या घरातच उमेदवारी दिली पाहिजे. ज्यांना उभे राहायचे त्यांना उभा राहू द्या. आम्ही निवडणुका लढवण्यासाठी तयार आहोत ,पण जनतेने या महाविकास आघाडीचं मायावीरुप समजून घेतलं पाहिजे, असं सुधीर मुनगंटीवार म्हणाले.
गौतम अदानींना सर्वात मोठा झटका; बड्या फ्रेंच कंपनीने ५० अब्ज डॉलर्सचा प्रकल्प थांबवला
बाळासाहेब थोरात हातात भाजपचा झेंडा घेतील का ?
बाळासाहेब थोरात यांनी भाजपचा झेंडा हाती घेतला तर काही हरकत नाही. पण, बाळासाहेब थोरात भाजपचा झेंडा हातात घेतील का ? मात्र, हातात झेंडा घेतला तर स्वागत पण एवढे वर्ष काँग्रेससाठी काम करून निवडून येणारे भाजपचा झेंडा हाती घेतील, असं वाटत नसल्याचं मुनगंटीवार म्हणाले.
मोठी बातमी: काँग्रेस आमदार प्रज्ञा सातव यांच्यावर हिंगोलीत हल्ला