लग्नानंतर दुसऱ्याच दिवशी सिद्धार्थ-कियारा दिल्लीला रवाना झाले. आपल्या सासरी जायला कियारा देखील प्रचंड उत्सुक होती. जैसलमेर विमानतळावर हे कपल लग्नानंतर पहिल्यांदा स्पॉट झालं . वेस्टर्न कपड्यांवर भांगेत कुंकू लावलेल्या कियाराचा हा लुक प्रचंड चर्चेत आला. त्यानंतर रात्री मात्र कियारा लाल रंगाच्या सुंदर ड्रेसमध्ये दिल्ली विमानतळावर दिसली. कियारा प्रचंड आनंद दिसत होती, तर नव्या नवरीचा ग्लो तिच्या चेहऱ्यावर दिसून येत होता. दिल्लीत आल्यानंतर कियारा आणि सिद्धार्थनं पापाराझी आणि मीडिया प्रतिनिधींना मिठाई देखील वाटली.
सिद्धार्थच्या घरी दोघांच्या स्वागताची जय्यत तयारीही झाली होती. मल्होत्रांचा बंगला देखील नव्या नवरीप्रमाणं सजला आहे. बंगल्यावर आकर्षक विद्युत रौषणाई करण्यात आली आहे. मल्होत्रा कुटुंबियांनी अगदी जल्लोषात, वाजतगाजत आपल्या नव्या सुनेचं स्वाग केलं. यावेळी कुटुंबियांसोबत सिद्धार्थ आणि कियारानांही भांगडा करत आनंद व्यक्त केला. त्यांच्या घराबाहेरचा एक व्हिडिओ सध्या व्हायरल होतोयं.
‘साजन जी घर आए’
सूर्यगढ पॅलेसमध्ये तीन-चार दिवसांपासून कियारा आणि सिद्धार्थ यांच्या शाही विवाहसोहळ्याचं आयोजन करण्यात आलं होतं. लग्नावेळी सिद्धार्थनं ‘साजन जी घर आए’ या प्रसिद्ध गाण्यावर डान्स करत प्रवेश केला. या लग्नसोहळ्यामध्ये अनेक सेलिब्रेटी वऱ्हाडी म्हणून सहभागी झाले होते. चार वाजता सिद्धार्थ-कियारानं चारच्या सुमारास सप्तपदी घेण्यास सुरुवात केली.
लग्नसोहळ्यात ‘नो फोन पॉलिसी’चा अवलंब केला होता. कुटुंबीय, पाहुणे, मित्रमंडळी, बॉलिवूड सेलिब्रेटी यांच्यासह हॉटेलमधील कर्मचाऱ्यांनाही लग्नसोहळ्यादरम्यानचे फोटो सोशल मीडियावर पोस्ट न करण्याची विनंती करण्यात आली होती; त्यामुंळं या शाही लग्नाचा एकही फोटो बाहेर आला नव्हता.सिद्धार्थ-कियाराच्या लग्नाचे फोटो पाहण्यासाठी त्यांच्या चाहत्यांना प्रचंड वाट पाहावी लागली. रात्री उशिरानं टीमनं फोटो सोशल मीडियावर चाहत्यांसाठी शेअर केले.