मौसम बिगड़ने वाला है! किरण मानेंच्या आयुष्यात घडतंय काही तरी मोठ्ठं,फोटो शेअर करत म्हणाले…

मुंबई : बिग बॉस मराठीच्या चौथ्या पर्वामध्ये स्पर्धक म्हणून किरण माने यांची खूपच चर्चा होती. भलेही किरण माने यांना विजेतेपदानं हुलकावणी दिली असली तरी अंतीम तिघांमध्ये त्याचा समावेश होता. किरण माने यांना साताऱ्याचा बच्चन म्हणूनही ओळखलं जातं. बिग बॉसनंतर किरण माने यांच्याकडे काय नवीन प्रोजेक्ट आहे, याची त्यांच्या चाहत्यांना उत्सुकता होती. किरण यांनी आपल्या चाहत्यांना सोशल मीडियावर पोस्ट करत त्यांच्या आगामी प्रोजेक्टची माहिती दिली आहे.

काय आहे किरण मानेंची पोस्ट
किरण माने यांनी सोशल मीडियावर एक फोटो पोस्ट केला आहे. या फोटोत माने यांच्याबरोबर अभिनेते,दिग्दर्शक आणि बिग बॉस मराठीचे सुत्रसंचालक महेश मांजरेकर देखील दिसत आहेत. त्यामुळे किरण माने यांना बिग बॉस नंतर थेट महेश मांजरेकर यांच्या सिनेमाची मोठ्ठी लॉटरी लागली आहे. माने यांनी सोशल मीडियावर त्यांचा आनंद पोस्ट द्वारे शेयर केला आहे. पोस्टमध्ये माने यांनी लिहिलं आहे की, ‘ ‘वास्तव’ हे हाय की, आता ‘कॅमेरा’ माझी आन् मी कॅमेर्‍याची पाठ सोडत नसतोय. मी येतोय भावांनो… लवकरच… एका नादखुळा भूमिकेत… विथ ‘द महेश मांजरेकर’! अपनी कुर्सी की पेटी बांध लीजिए.. मौसम बिगड़ने वाला है..’ अशा शब्दांत माने यांनी त्यांचा आनंद व्यक्त केला आहे. माने यांनी शेअर केलेल्या फोटोत पांढऱ्या शर्ट घातलेले महेश मांजरेकर दिसत आहे. तर त्यांच्या मागे गॉगल लावलेले किरण माने दिसत आहेत.

बिग बॉस मराठी ४ मध्ये असताना किरण यांच्या वर्तणुकीवरून महेश मांजरेकर यांनी अनेकदा त्यांची जाहीरपणं शाळा घेत त्यांचे कान उपटले होते. त्यावर किरण माने यांनी आपली बाजू पटवून देताना त्यांच्यामध्ये काहीवेळा संघर्षही झाला होता. परंतु असं असलं तरी त्यांच्यामध्ये कोणत्याही प्रकारची कटुता नव्हती. त्याचमुळे किरण माने यांनी महेश मांजरेकर यांच्याबरोबर काम करण्याची इच्छा व्यक्त केली होती. ही इच्छा आता पूर्ण होत असल्यानं ते आनंदात आहेत.

दरम्यान, बिग बॉस मराठीचं चौथं पर्व संपल्यानंतर माने जेव्हा साताऱ्याला त्यांच्या घरी परत गेले तेव्हा चाहत्यांनी त्यांची जंगी मिरवणूक काढली होती. चाहत्यांचं हे प्रेम पाहून माने भारावून गेले होते. त्यांनी सोशल मीडियावर याबाबतची पोस्ट शेअर करत त्यांच्या भावना व्यक्त केल्या होत्या.
दोन महिन्यांपूर्वी खास मुहूर्तावर घेतली होती कार, मीरा जगन्नाथच्या नव्या गाडीचा मोठा अपघात

त्यात त्यांनी म्हटलं होतं की, ‘…काय करू या प्रेमाचं?लै लै लै भारावलोय… सातारला यायला निघालोय भावांनो… प्रवासात थांबेन तिथं लोक “माने माने माने” करत गर्दी करतायत.. प्रेमानं बोलतायत.. सेल्फी घेतायत… अर्ध्या प्रवासात पोचलोय आणि हे पोस्टर आलं आणि डोळ्यांत पाणी तरळलं ! सातारकर प्रेक्षकांनी उत्सफूर्तपणे माझ्या स्वागताची जय्यत तयारी केलीय !! बॉम्बे रेस्टॉरंट ते शिवतीर्थापर्यन्त मिरवणूकीचं आयोजन केलंय !!! भारावून गेलोय. आत्ता एवढंच सांगेन की हा प्रेमाचा वर्षाव सार्थकी लावेन… कायम तुम्हाला अभिमान वाटेल असंच काम करत राहेन. अजून लै बोलायचंय… उद्यापास्नं पोस्टवर बोलत राहीनच.. आत्ता एवढंच सांगेन… खूप खूप मनापासून आभार… लब्यू ‘
‘माझा होशील ना २’ येणार? विराजस कुलकर्णीने दिली हिंट; फोटो शेअर करत म्हणाला-