पुणे : नृत्याच्या अदाकारीने वादाच्या केंद्रस्थानी असलेल्या प्रसिद्ध नर्तिका गौतमी पाटील हिच्या पुण्यातील कार्यक्रमाला पोलिसांनी परवानगी नाकारली आहे. जागेचं ना हरकत प्रमाणपत्र आणि आणि ट्रॅफिक एनओसी नसल्याने पुण्यातील उत्तम नगर पोलिसांनी गौतमीला कार्यक्रम घ्यायला नकार दिलाय. शिवणे येथील राजकीय नेते संजय धिवार यांच्या कार्य अहवालाचे प्रकाशन गौतमी पाटील हिच्या हस्ते होणार होते. पण या कार्यक्रमाला पोलिसांनी ऐनवेळी परवानगी नाकारल्याने आयोजकांचा आणि गौतमीच्या फॅन्सचा हिरमोड झाला.
शिवणे येथे आज सायंकाळी ७ वाजता राजकीय नेते संजय धिवार यांनी आयोजित केलेल्या कार्यक्रमाला गौतमी पाटील हजेरी लावणार होती. संजय धिवार यांच्या कार्य अहवालाचे प्रकाशन गौतमी पाटील हिच्या हस्ते होणार होते. या कार्यक्रमानंतर गौतमीच्या लावण्यांचा कार्यक्रम होणार होता. पण परवानगी नसल्याने ऐनवेळी गौतमीच्या कार्यक्रमाला उत्तम नगर पोलिसांनी परवानगी नाकारली.
शिवणे येथे आज सायंकाळी ७ वाजता राजकीय नेते संजय धिवार यांनी आयोजित केलेल्या कार्यक्रमाला गौतमी पाटील हजेरी लावणार होती. संजय धिवार यांच्या कार्य अहवालाचे प्रकाशन गौतमी पाटील हिच्या हस्ते होणार होते. या कार्यक्रमानंतर गौतमीच्या लावण्यांचा कार्यक्रम होणार होता. पण परवानगी नसल्याने ऐनवेळी गौतमीच्या कार्यक्रमाला उत्तम नगर पोलिसांनी परवानगी नाकारली.
गौतमी पाटील हिच्यावर अश्लील नृत्य करते, असा वारंवार आरोप होत आहे. त्याच आरोपातून राष्ट्रवादीच्या मंचावर गौतमीचा डान्स होऊ नये, अशी तंबीच विरोधी पक्षनेचे अजित पवार यांनी राष्ट्रवादीच्या कार्यकर्ते-पदाधिकाऱ्यांना दिलीये. संजय धिवार हे काही काळ राष्ट्रवादीत होते, पुढे त्यांनी आठवलेंचीही साथ दिली. पण सध्या ते कोणत्याच पक्षात नसून ते अपक्ष आहेत.
दरम्यान, गौतमीच्या कार्यक्रमासाठी आयोजकांनी कायदेशीर बाबी पूर्ण केल्या नसल्याचं ऐनवेळी सांगून पोलिसांनी ऐनवेळी परवानगी नाकारल्याने आयोजकांचा आणि गौतमीच्या चाहत्यांचा हिरमोड झाला आहे. सायंकाळी ७ वाजता कार्यक्रम होणार होता. पण गौतमीच्या चाहत्यांनी अगोदरच गर्दी करायला सुरुवात केली होती. जशीही परवानही नाकारल्याची बातमी आली, तसे गौतमीचे चाहते संतापलेले पाहायला मिळाले.