गुप्त माहिती, पोलिसांनी धाड टाकताच असं काही सापडलं की सारेच चक्रावले

उस्मानाबाद: उस्मानाबादेत पोलिसांनी ५ ठिकाणी कारवाई करत तब्बल १५ लाख रुपयांचा गुटखा जप्त केला आहे. पोलिसांनी गुप्त माहितीच्या आधारे ५ ठिकाण्यांवर धाड टाकली तिथे पोलिसांना मोठ्या प्रमाणात सुगंधी गुटखा आढळून आला. याप्रकरणी पोलिसांनी ८ जणांविरोधात गुन्हा दाखल केला आहे. जिल्ह्याचे पोलीस अधिक्षक अतुल कुलकर्णी यांनी जिल्ह्यात अवैध गुटखा विक्री करणाऱ्यांविरुध्द मोहिम हाती घेतली आहे. धाड टाकताच पोलीस प्रशासनाच्या हाती इतक्या मोठ्या प्रमाणात गुटखा लागल्याने ते देखील चकित झाले आहेत.

उस्मानाबाद जिल्ह्यात अवैध धंद्यांची किंवा महाराष्ट्रात प्रतिबंधित असलेला गुटखा विक्री करणाऱ्या इसमांची माहिती काढून कारवाई करण्याचे काम सुरु आहे. उस्मानाबाद येथे महाराष्ट्रात प्रतिबंधीत असलेला गुटखा विक्री करणाऱ्या इसमांची खात्रीशीर बातमी मिळाल्याने सहायक पोलीस अधिक्षक एम. रमेश उपविभाग कळंब यांना ही माहिती दिली. पोलीस उपनिरीक्षक जी. पी. पुजरवाड आणि पोलीस पथकासह उस्मानाबाद शहरातील ५ ठिकाणी कारवाई करण्यात आली आहे.

शहरातील अमृतनगर येथील दिलदार अब्ररार पठाण (वय ३८ वर्ष रा.अमृतनगर उस्मानाबाद) याचे पठाण किराणा स्टोअर्स येथे ११.२० वाजेच्या सुमारास छापा मारला असता महाराष्ट्रात प्रतिबंधीत असलेला गुटखा साठवण आणि विक्री करीत असताना मिळून आला. त्यांच्याकडे प्रतिबंधीत गुटखा अंदाजे ९५,४६७ रुपये किंमतीचा मुद्देमाल मिळून आला.

उस्मानाबाद शहारातील छत्रपती शिवाजी महाराज चौकातील पेट्रोल पंपाचे रोडलगत असलेल्या रोडलगत रोनक ट्रेडर्सच्या पत्रा शेडमध्ये ११.२० वाजण्याच्या सुमारास छापा मारला असता महाराष्ट्रात प्रतिबंधीत असलेला गुटखा साठवण आणि विक्री करीत असताना मिळून आला. त्यांच्याकडे प्रतिबंधीत गुटखा अंदाजे ५२,४८२ रुपये किंमतीचा मुद्देमाल मिळून आला.

उस्मानाबाद शहारातील भारत विद्यालय रोडवरील कचरा डेपो रोडलगत असलेल्या पत्र्याच्या शेडमध्ये या ठिकाणी १३.१५ वाजण्याच्या सुमारास छापा मारला असता. सदर ठिकाणी सर्फराज जिलानी सय्यद (वय ३३ वर्षे रा. खाजा नगर गल्ली न. ६ उस्मानाबाद), मालक रिजवान मौला शेख (रा. राजा की बुडीतालीम गल्ली उस्मानाबाद) यांच्या ताब्यातून प्रतिबंधीत गुटखा एकुण २,४९,१२० रुपयांचा मुद्देमाल मिळून आला आहे.

उस्मानाबाद शहरात इंदीरानगर उस्मानाबाद येथे जे. के. पान मटेरियल नावाच्या दुकानामध्ये याठिकाणी १४.०० वाजण्याच्या सुमारास जे. के. पान मटेरियल नावाचे दुकानामध्ये अविनाश बाबासाहेब विधाते (वय ३१ वर्षे रा. तुळजापूर नाका गावसुद रोड उस्मानाबाद), मालक जाकेर बाबुलाल तांबोळी (रा. आगड गल्ली उस्मानाबाद) यांच्या ताब्यातून प्रतिबंधीत गुटखा एकुण १०,२१,२८५ रुपयांचा मुद्देमाल मिळून आला आहे.

उस्मानाबाद शहरात धाराशीव कमानीजवळ पत्रा शेडमध्ये याठिकाणी १४.५० वाजण्याच्या सुमारास महेबुब उर्फ बबलू फकीर शेख (वय ४० वर्षै उस्मानाबाद) यांच्या ताब्यातून महाराष्ट्र प्रतिबंधीत गुटका मुददेमाल ९७,९३३ रुपयांचा मिळून आलेला आहे. वरील एकुण ५ ठिकाणी उस्मानाबाद शहरात महाराष्ट्र प्रतिबंधीत गुटका साठवून विक्री करणाऱ्यांवर छाप्यात गुटका, चारचाकी वाहन, मोबाईलसह एकूण १५,१६,२९१ रुपयांचा मुद्देमाल आणि एकूण ८ व्यक्तींवर पोलीस स्टेशन उस्मानाबाद शहर येथे वेगवेगळे ४ गुन्हे आणि पोलीस स्टेशन आनंदनगर येथे १ असे एकूण ५ गुन्हे दाखल करण्यात आले आहेत.

Source link

osmanabad crime newsosmanabad gutkha seizedosmanabad newsosmanabad police raidpolice raid at 5 placesउस्मानाबाद क्राईम न्यूजउस्मानाबाद गुटखा कारखाने
Comments (0)
Add Comment