भरधाव वेगाने जाणारे स्कॉर्पिओ वाहन नियंत्रणाबाहेर जाऊन एका घरावर धडकली. या अपघातात घरात उपस्थित असलेल्या जॉर्डन फिलिप जोसेफ या सात वर्षांच्या मुलाचा मृत्यू झाला. नागपूर शहरातील गिट्टीखदान पोलीस ठाण्यांतर्गत आयबीएम रोडवर हा अपघात घडला.
या प्रकरणाची माहिती मिळताच पोलिसांनी स्कॉर्पिओ वाहनात उपस्थित असलेल्या दोघा जणांना घटनास्थळी ताब्यात घेतले आहे. शुक्रवारी सायंकाळी ५ वाजून १५ मिनिटांच्या सुमारास आयबीएम रोडवर हा अपघात झाला.
वेगवान स्कॉर्पिओ कार भिंत तोडून अनियंत्रित होऊन घरात घुसल्याचे प्रत्यक्षदर्शींनी सांगितले. या अपघातानंतर घटनास्थळी लोकांचा जमाव जमला आणि जमावाने कारमध्ये उपस्थित असलेल्या दोघांनाही पकडून बेदम मारहाण केली आणि पोलिसांना माहिती दिली. घटनास्थळी पोहोचताच पोलिसांनी कारमध्ये उपस्थित असलेल्या दोघा जणांना घटनास्थळावरूनच ताब्यात घेतले असून पुढील तपास करत आहेत.
याआधीही, नागपूर शहरातील बेशिस्त वाहतुकीमुळे एका महिलेला प्राण गमवावे लागल्याचं उदाहरण पाहायला मिळालं होतं. रस्त्यावरून जाताना पिकअप व्हॅनचा दरवाजा एका महानगरपालिकेच्या महिला कर्मचाऱ्यासाठी मृत्यूचे कारण ठरला.
पिकअप व्हॅन चालकाने अचानक दरवाजा उघडला व त्याच्या निष्काळजीपणामुळे मागून दुचाकीवरून येणारी महिला दरवाजाला आदळली. त्यानंतर खाली पडलेल्या महिलेच्या डोक्यावरून एसटी बसचे चाक गेल्याने तिचा जागीवरच मृत्यू झाला.
शीतल विकास यादव (वय ४२ वर्ष, द्वारका अपार्टमेंट, खामला) असे मृत महिलेचे नाव आहे. या दुर्दैवी अपघातामुळे घटनास्थळावर एकच खळबळ उडाली असून महिलेच्या कुटुंबीयांवर दुःखाचा डोंगर कोसळला आहे.
ढोल ताशांच्या गजरात ठाण्यात भाजप कार्यकर्त्यांकडून वंदे भारत एक्सप्रेसचं स्वागत